Pu Dunguquelu Ineingen Jehová, ¿famentuquepefingün mai pu che coneltuhuenolu tañi religion mu?

Femlai tati. Famentuquelafiyiñ pu che deu fautizangelu, huelu amuldunguhuenolu ca trahuhuequenolu iñchiñ mu. Huelu mai ayühun mu, quelluquefiyiñ feichi che tañi hueniyeafiel Chau Ngünechen mu ca tañi huiñotual ti trahunche mu.

Quiñe Dunguquelu Ineingen Jehová culpale huemünentufemngequelai ti trahunche mu. Huelu amulele ñi famentual Biblia ñi ngülam ca huiñoraquiduamtunole, fei huemünentungequei, ca tati trahunche hueniyehuelafingün feichi che mu. Biblia cüme feipiquei tüfa: “Feimeu llemai quiñe püle nentufimün ta tüfachi yafcafe [culpanche] eimün tamün rangiñ meu mülelu” (1 Corintios 5:13).

Quiñe huentru huemünentungelu ti trahunche mu, ¿chem dungu rupai tañi domo ca tañi pu yall pu Dunguquelu Ineingen Jehová coneltulelu? Tüfa engün nütramcaquelafingün Ngünechen ñi dungu feichi huemünentungelu, huelu amulei ñi tuteucüleal tañi familia mu. Ti che huemünentungelu amulei ñi cüme yeucüleal tañi domo ca tañi pu yall quiñe familia mu.

Tati pu huemünentungelu amuafuingün taiñ trahun mu, ca ayüle llohuafuingün pu loncolelu ti trahunche ñi quellun. Tati doi falin dungu, pu huemünentungelu ti trahunche mu huiño diturpuafingün ñi coneltuleal pu Dunguquelu Ineingen Jehová mu. Tati pu huemünentungelu famentuquefingün ti huesa femün ca ayüle ñi inanieafiel Biblia ñi ngülam tañi mongen mu, ca huiño Dunguquelu Ineingen Jehová ngetuafuingün.