¿Chau Ngünechen deumafi ti Huecüfü?

Biblia ñi quimeltuqueel

Biblia quimeltuquei ta Chau Jehová ñi deumanofiel ti Huecüfü. Huelu mai, Chau Ngünechen deumai quiñe cüme püllü, fei tüfachi püllü quisu tañi ayün mu Huecüfühui. Taiñ Fütra Chau mu Biblia feipi: “Tati Fütra Cura, huelulcauquelai ñi femün mu, nor dungu mu amuquelu am com tañi rüpü. Ngünechen ta manelfalngei, norngenochi dungu femquelai; nor piuquengei ca huesañmauquelai” (Deuteronomio 32:3-5). Feimu, feipiafuiñ tüfachi cüme püllü mülequefulu Chau Ngünechen engu cüme piuquengefui, petu ñi Huecüfüunon.

Ca femngechi, Juan 8:44 mu (Traducción del Nuevo Mundo), Jesús feipi tüfachi cüme püllü “inahuelafi ti rüfngechi dungu”, feimu petu ñi Huecüfüunon nor piuquengefui ca niequelafui culpan.

Jehová elufi com pu che ca com pu püllü ñi dullial ti cüme dungu cam ti huesa dungu, feimu feichi cüme püllü ca femürpuafui. Feimu, eluulu ñi allcütuhuenoafiel ta Chau Ngünechen ca rulpaduamelfilu ti hunen curehuen ñi quiñehual tañi caiñetun mu, femngechi tañi ayün mu Satanás ngetui, tüfachi üi cüpa feipi “Caiñetufe” (Génesis 3:1-5; Apocalipsis 12:9).