Pu Dunguquelu Ineingen Jehová, ¿chumngelu fiestañmaquelaingün ti Navidad?
Pu che ñi nütramcaqueel ca ti rüf dungu
Pu che ñi nütramcaqueel: Tati pu Dunguquelu Ineingen Jehová fiestañmaquelaingün ti Navidad feyentuquenolu am Jesús mu.
Ti rüf dungu: Iñchiñ ta cristianongeiñ, fei quimnieiñ ta Jesús ñi duam meu müten montulngeafuiñ (Hechos 4:12).
Pu che ñi nütramcaqueel: Quimeltulelquefi tañi pu inaniequeteu ñi fiestañmanoal ti Navidad, feimu hudamentuquefingün tati pu familia.
Ti rüf dungu: Iñchiñ rumeñma falintuquefiyiñ ti familia, feimu quimeltuqueiñ Biblia ñi feipin tañi doi fülmaucüleal engün.
Pu che ñi nütramcaqueel: Ayüumaquelaingün ti Navidad antü mu ñi cüme rupan, ñi eluhual yehun engün ca cüme feleal feichi antü meu.
Ti rüf dungu: Nehuentuqueiñ taiñ tuteucüleal caquelu che iñchiñ ca hulchefengeal fill antü (Proverbios 11:25; Romanos 12:18). Quiñe dungu pengelquelu tüfa, cullingequelaiñ plata taiñ amuldungual ca cofraquelaiñ trahun mu, fei feyentuqueiñ Jesús ñi huercün dungu: “Eimün ta re elungeimün [...] ca femngechi re hulafimün ta eimün” (Mateo 10:8). Cafei quimeltuchequeiñ ñi mülen quiñe rüf maneluhun müten ñi müleal tüngün com Mapu mu, fei tüfa Ngünechen ñi Gobierno (Mateo 10:7).
Pu Dunguquelu Ineingen Jehová, ¿chumngelu fiestañmaquelaingün ti Navidad?
Jesús feipilai ñi raquiduamniengeal feichi antü ñi choyüngen, huelu mai tañi lan ñi antü llemai (Lucas 22:19, 20).
Jesús ñi pu apostol ca tati hunenque cristiano fiestañmaquelafuingün ti Navidad. Tati Diccionario del cristianismo feipilei tüfachi fiesta mu “elcünungei 330 tripantu püle” taiñ mülen antü meu, deu rupalu doi 200 tripantu ñi lan tati quiñelehuechi apostol.
Rüf quimngelai Jesúsñi choyüngen 25 conchi diciembre cüyen mu, ca tati Biblia quimfalcünulai rume chumül ñi choyüngen.
Quimnieiñ ta Chau Ngünechen ñi ayüquenofiel ti Navidad, coilaque tuhun-ngechi huimtun nielu cai tüfa (2 Corintios 6:17).
¿Chumngelu femquelaingün caquelu che reque?
Fentren pu che fiestañmaqueingün ti Navidad quimlu rume tañi chaftuquefiel Biblia ñi feipin ca tañi cristiano tuhun-ngenon. Quiñeque ta ramtuafui: ¿chumngelu pu cristiano mülei ñi femnoal caquelu che reque? ¿Chemu fente loncontucufali tüfa?
Tati Biblia yafültucueiñmu taiñ adümelafiel taiñ chumngechi raquiduamquen ñi cüme dullial taiñ chumal (Romanos 12:1, 2). Cafei quimeltuqueiñmu taiñ falintuafiel ti rüf dungu (Juan 4:23, 24). Ca falintuquefiyiñ ñi chem raquiduamqueel pu che iñchiñ mu, huelu doi piuquentucuqueiñ Biblia ñi feipin, ayünole rume caquelu che.
Feingei, iñchiñ dulliqueiñ taiñ fiestañmanoal ti Navidad, huelu yamniefiyiñ caquelu che quisu ñi dullial ta chumal. Feimu catrütuquelaiñ pu che ñi fiestañmayal tüfa.