¿Cheu mülei ti Huecüfü?

Biblia ñi quimeltuqueel

Huecüfü quiñe püllüngei, feimu mülequei cheu ñi mülen pu püllü ca pengequelai. Quisu mülelai cütral mapu mu ñi cutrancayafiel pu huesaque che, chumngechi pengeli ti adentun.

“Quiñe fütra hueichan ta huenu mapu”

Cuifi mu, Huecüfü eluñmangequefui ñi conal cheu ñi mülen Chau Dios ca pu cümeque püllü (Job 1:6). Huelu Biblia feipicünui ñi müleal “quiñe fütra hueichan ta huenu mapu” mu ca Huecüfü ‘ütrüfnagümngeai ta Mapu meu’ (Apocalipsis 12:7-9). Biblia ñi feipin ca ti rupan dungu huall Mapu meu, pengeli ñi deu rupan feichi fütra hueichan. Feimu Huecüfü felei tañi müleal Mapu meu müten.

¿Quimfalcünui tüfa Huecüfü ñi mülen quiñe lof mapu mu? Biblia nütramcalu ti cuifi huaria Pérgamo pingelu, feipi “tüfei meu ta huecüfü ngünecalefui” ca “cheu ñi ngünecalemum ta huecüfü” (Apocalipsis 2:13). Huelu, tüfachi dungu feipilai Huecüfü ñi mülen Pérgamo mu, doi mai pengelcünui pu religioso ñi femquen ta Huecüfü ñi dungu. Feimu llemai, quisu mülelai quiñe lof mapu meu no rume. Biblia feipi Huecüfü ngüneniei “com ti troquiñque mapu müleyelu com chüf mapu meu”, fei mülei ta Mapu meu müten (Lucas 4:5, 6).