Pu Dunguquelu Ineingen Jehová, ¿chumngelu duamquelai ti cruz ñi poyehun mu?

Fentren pu che troquiquefingün ti cruz adentulelu tati cristiano ñi religion. Huelu iñchiñ cristianongeliyiñ rume, duamquelaiñ ti cruz ca püramyequelafiyiñ rume. ¿Chumngelu am?

Hune, tati Biblia quimeltuquei Jesús ñi langümngenon quiñe cruz mu, huelu mai quiñe orcon mamüll meu. Biblia mu ti griego dungu rulpadungungequelu “cruz” mu, fei cüpa feipi “orcon cam mamüll nor huitralelu” (Hechos 10:39, Traducción del Nuevo Mundo). Cafei Biblia cüme huercüquefi tati pu cristiano: “Famtripamün tati pu adentun” ñi poyengequeel, fei tüfa poyenoafiel ta Chau Ngünechen cruz mu (1 Corintios 10:14; 1 Juan 5:21).

Ca femngechi Jesús feipi: “Fei hueluconquechi piuqueyehulmün, com mapu meu mülechi pu che quimaingün iñche tañi discipulongen ta eimün” (Juan 13:34, 35). Quiñe che re poyefilu am ta Ngünechen cruz ca caquelu adentun meu feipingelayafui ñi rüf cristianongen, huelu mai quimfali tüfa tañi hueluconquechi piuqueyehun mu.