Pu Dunguquelu Ineingen Jehová, ¿culliquepeingün mai tati diesmo?

Femlai, pu Dunguquelu Ineingen Jehová culliquelaingün tati diesmo. Fentren quimngenoelchi che ayühunquechi hulquei ñi plata, femngechi amultucuquei tañi femqueelchi cüdau. Feimu ¿chem am tati diesmo ca chumngelu pu Dunguquelu Ineingen Jehová culliquelaingün tüfa?

Pu cuifique israelche huercüngei ti Ley dungu mu ñi cullial tati diesmo, mülefui ñi hulal mari troquiñ com tañi niequefel mu. Huelu Biblia cüme quimfalcünui tati pu cristiano ñi inanoal engün feichi huercün dungu. Fei llemai, duamfalngehuelai ñi cullial tati diesmo (Hebreos 7:5, 18; Colosenses 2:13, 14).

Feimu pu Dunguquelu Ineingen Jehová culliquelaingün tati diesmo ca dicümtucungequelai ñi hulal chem no rume, huelu mai inayentuquefingün pu hunenque cristiano ñi femün. Fei quelluntucufi ñi amuldungun epu dungu mu: cullingenon mu quimeltuchequei Biblia tañi rüf dungu ca ayühunquechi hulquei plata.

Femngechi inaniequeingün Biblia tañi ngülam ñi femal pu cristiano: “Caque quiñeque felei tañi hulal tunte tañi raquiduamel ñi piuque meu, huelu huesa duamquechi no ca aporiangen meu no rume. Fei Ngünechen am piuqueyequefilu tati che ayühunquechi hulquelu” (2 Corintios 9:7).