Pu Dunguquelu Ineingen Jehová mu, ¿quimeltuchequei tati pu domo?

Mai. Fentren domo coneltuquei pu Dunguquelu Ineingen Jehová mu, fei com engün, huentru ca domo, quimeltuchequei ca amuldunguchequei. Biblia feipi: “Tati pu domo amuldunguquelu ti cümeque dungu alün-ngei” (Salmo 68:11, La Biblia de las Américas, rulpadungungelu mapudungun mu).

Tati pu domo coneltulelu pu Dunguquelu Ineingen Jehová mu femqueingün pu inayentufalchi domo reque Biblia mu mülelu (Proverbios 31:10-31). Quisu engün loncolequelaingün trahunche mu, huelu ayühunquechi amuldunguqueingün ca rume piuquentucuquefi ñi quimeltulelafiel tañi pu püñeñ Biblia ñi ngülam (Proverbios 1:8). Cafei tañi femün ca dungun mu yafüluuqueingün ñi quelluafiel caquelu pu che (Tito 2:3-5).