¿Chem adentulei tati Fütra Babilonia?

Biblia ñi quimeltuqueel

Biblia, Apocalipsis lifru mu, nütramcai “quiñe domo” fütra cüri domongelu. Cafei feipi tañi üi quiñe quimngenochi dungungei, fei tüfa “tati Fütra Babilonia” (Apocalipsis 17:1, 3, 5). Tüfachi domo adentulei com pu coilaque religion mülelu mapu meu, tüfa engün “elcünufingün Chau Ngünechen ñi rüf dungu, fei feyentuingün ti coilaque dungu”a (Romanos 1:25). Tunte quiñeucülenolu rume engün, huelu quiñe dungu mu quiñeucüleingün: fei tañi püntünentuafiel pu che ñi poyeafiel ti rüfngechi Ngünechen, Jehová (Deuteronomio 4:35).

Meli dungu tami quimafiel chem am tati Fütra Babilonia

1. Tati Fütra Babilonia, fei ta quiñe adentun. Apocalipsis lifru mu pengelngei fentren adentun, feimu feipingequei tati Fütra Babilonia quiñe adentun müten, quiñe domo no (Apocalipsis 1:1). Ca feipi ñi ‘anülen fentren co meu’, tüfachi co adentulei “pu che fillque mollfüñ nielu, fütraque trahunche, fillque troquiñche ca pu che fillque quehun dungulu” (Apocalipsis 17:1, 15). Quiñe domo femlayafui.

2. Tati Fütra Babilonia adentulei quiñe troquiñche com mapu mu tuulu. Biblia mu, tüfa ca feipingequei “ti fütra huaria, tüfa ngüneniefi tati pu lonco ülmen mapu mu mülelu” (Apocalipsis 17:18). Feimu com mapu mu pengelquei tañi nehuen.

3. Tati Fütra Babilonia quiñe politico troquiñche no, nüucülelai negocian dungu mu, doi mai nüucülei religion mu. Cuifi Babilonia huaria mu, pu che rume religiosongefuingün. Quimngequefuingün tañi calcu dungu mu (Isaías 47:1, 12, 13; Jeremías 50:1, 2, 38). Feichi mapu mu mülechi pu che poyequelafingün tati rüfngechi Dios Jehová, doi mai caquelu coilaque dios inaquefuingün (Génesis 10:8, 9; 11:2-4, 8). Pu che ngüneniefilu Babilonia mu müna mallmangefuingün, doicülelu troquiuquefuingün Jehová mu (Isaías 14:4, 13, 14; Daniel 5:2-4, 23). Famülque mu, ca femngechi felei tati Fütra Babilonia, quimfalcülei tañi “calcu dungu” mu. Femngechi quimfali ñi nüucülen tati religion mu (Apocalipsis 18:23).

   Tati Fütra Babilonia quiñe politico troquiñche no, ¿chumngelu? Biblia feipi “mapu müleyechi lonco ülmen” ngümacahuaingün feichi apümcangele (Apocalipsis 17:1, 2; 18:9). Ca quimfali ñi nüucülenon negocian dungu mu, ¿chumngelu? Biblia feipi trürlai “pu negociante mapu mu mülelu” (Apocalipsis 18:11, 15).



Museo Britanico ñi adentun

4. Tati Fütra Babilonia adentulei com pu coilaque religion. Pu coilaque religion quelluquelafi pu che ñi fülconal tati rüfngechi Ngünechen Jehová, doi mai yequefi pu che ñi püramyeafiel caquelu pu dios. Biblia feipi tüfa trürümngeafui ‘conal pod cudumuhun mu tañi pu dios engün’ (Éxodo 34:15, 16, quimal dungu; Levítico 20:6). Fentren coilaque religion petu quimeltuniequefi pu che feichi quimeltun tuulu cuifi Babilonia huaria, por ejemplo: tati Trinidad pingechi quimeltun, ñi laquenon ti alma ca ñi püramyengeal caquerume adentun. Feipiqueingün ñi poyequefiel ta Chau Dios, huelu poyequefingün mapu müleyechi dungu. Feimu Biblia trürümfi engün pu ñihuafe domo reque (Santiago 4:4, quimal dungu).

   Biblia feipi ti Fütra Babilonia “coñol tacun ca quelü tacun yeniei” ca “adelcaucülei oro meu, falinque cura ca llancatu”. Femngechi felei pu coilaque religion, mallmauquei ñi pengelal tañi ricungen engün (Apocalipsis 17:4). Tati Fütra Babilonia mu tripaquei “mapu müleyechi ünufal dungu”, tüfa adentulei tañi femqueel ca ñi quimeltuqueel engün Chau Dios ñi üdequeel (Apocalipsis 17:5). Cafei pu che quelluntucuquelu tati Fütra Babilonia, tüfa tati “pu che fillque mollfüñ nielu, fütraque trahunche, fillque troquiñche ca pu che fillque quehun dungulu” adentulei pu coneltulelu coilaque religion mu (Apocalipsis 17:15).

Ti Fütra Babilonia coneltulei “com pu langümngelu mapu meu” (Apocalipsis 18:24). Fentren tripantu mu, pu coilaque religion ngüchaltucuquefi pu che tañi hueichayal ca huesa femafiel caquelu pu che. Doyelchi mai, quimeltuquelafi pu che fente ñi piuqueyechefengen ta Chau Jehová (1 Juan 4:8). Femngechi coneltuleingün ñi langümngen fentren che mapu meu.

Chau Dios, ¿chumngentuquefi tüfachi Fütra Babilonia?

Chau Dios tañi adquiñ mu, ti Fütra Babilonia “raquifal-lai rume fente tañi culpan” (Apocalipsis 18:4, 5). Chau Ngünechen illcutuniefi tati coilaque religion ñi huelulcañmafiel quisu ñi feipin ca ñi huesa femquefiel tañi pu serfiqueteu.

¿Chumletuai tati Fütra Babilonia?

Biblia feipilei “Chau Ngünechen juiciantucufi” ti Fütra Babilonia (Apocalipsis 18:20). Adentun mu, Chau Dios feipicünui Biblia mu ñi apümcayafiel com coilaque religion (Apocalipsis 18:8). Quisu adnieafi tati quelü huapo huesa culliñ ñi apümcayafiel tati coilaque religion. Tüfachi huapo huesa culliñ adentulei quiñe nehuen-ngechi politico troquiñche (Apocalipsis 17:16, 17). “Femngechi lef ütrüfnacümngeai ti fütra huaria Babilonia, fei chumcaunorume pengehuelayai” (Apocalipsis 18:21) Feimu llemai, pu cüpa ayühuelafiel Chau Dios mülei ñi tripatual ca püntütripayal coilaque religion mu (2 Corintios 6:14-17).