¿Chumngechi montuleiñmu Jesús?
Biblia ñi quimeltuqueel
Jesús huli tañi mongen quiñe chalintucun reque, femngechi ñi montulafiel ta che poyequefilu ta Chau Dios (Mateo 20:28). Feimu Biblia feipi Jesús tañi ‘montulfiel tüfachi Mapu meu mülechi pu che’ (1 Juan 4:14). Ca femngechi Biblia feipi: “Com Mapu meu ngelai cangelu Montulchefe, Ngünechen am üytunofilu cangelu. Jesús meu müten mülei montun” (Hechos 4:12).
Jesús huli tañi mongen ñi montulafiel tañi pu manelnieteu (Juan 3:16; Hebreos 2:9). Chau Dios huiñomongeltufi ta Jesús ñi püllüngetual huenu mu (Hechos 3:15). Fei Jesús mongelei huenu mu. Üye mu dunguñpefi tañi pu manelnieteu, femngechi Jesús tañi duam mu montulafui pu fülcülelu Chau Dios mu (Hebreos 7:25).
¿Chumngelu duamnieiñ taiñ dunguñpeaeteu ta Jesús?
Com culpafe chengeiñ, feimu laqueiñ ca püntüleiñ Chau Dios mu (Romanos 3:23; 6:23). Jesús feita “quiñe rangiñelhue ta Chau meu”, fei incañpequefi pu maneluucülelu tañi lan mu (1 Juan 2:1). Jesús huli tañi mongen iñchiñ taiñ duam mu, femngechi dunguñpequeiñmu reque Chau Dios tañi adquiñ mu, fei taiñ allcütuaeteu taiñ llellipun ca taiñ perdonayaeteu taiñ culpan mu (Mateo 1:21; Romanos 8:34). Chau Dios huercüfi ta Jesús ñi lapayal Mapu mu “tañi montulafiel com che” (Juan 3:17). Feimu ayüniei ñi allcütuafiel ca huiñoldunguafiel ñi llellipueteu ta Jesús iñchiñ taiñ duam mu.
Maneluuliyiñ Jesús, ¿fei ca müten duamfali taiñ montulngeal?
No, femlai. Falin-ngei taiñ maneluhual Jesús mu fei taiñ montuluhual. Huelu ca femngechi mülei taiñ femal caquelu falinque dungu (Hechos 16:30, 31). Biblia feipi: “Chumngechi tati cuerpo nienolu nehuen ñi mongeleal lalei, ca femngechi lalei taiñ feyentun Chau Dios mu femnoliyiñ cümeque dungu” (Santiago 2:26, TNM). Taiñ montuluhuam mülei taiñ femal ti cüpalechi dungu:
Mülei taiñ quimafiel ta Jesús ca tañi Chau Jehová (Juan 17:3).
Maneluhual Jesús mu ca Jehová mu (Juan 12:44; 14:1).
Mülei taiñ inayal Jesús ca Chau Jehová tañi feipin, femngechi pengelaiñ taiñ maneluucülen (Lucas 6:46; 1 Juan 2:17). Jesús feipi “Ñidol” pielieyu rume quiñeque che montuluulayafui, doi mai montuafui Tati femquelu ñi ‘Chau huenu mapu mülelu ñi ayüqueelchi dungu’ (Mateo 7:21).
Rupaliyiñ rume huesaque dungu mu, mülei taiñ maneluhual Chau Dios mu. Jesús feipi: “Com tati nehuencülelu Ngünechen ñi dungu meu tuntepule ñi mongen, fei ta montuai” (Mateo 24:13).