Deumangei fentren video tati fütra trahun 2020 “¡Rumel ayüwkülekeaymün!”

Fillque video tripalu fütraque trahun mu quelluqueiñmu taiñ doi cüme adümafiel ta Biblia ca puuquei taiñ piuque mu. Ti fütra trahun 2020 tripantu mu, tripai 114 video. 43 feichi video mu, hueupi pu peñi Cuerpo Gobernante ca tañi pu quelluqueteu. ¿Ramtuuqueimi tunten plata gastangequei ñi deumangeal tüfachi fillque video?

Epe 900 peñi ca lamngen caquerume tuhun-ngelu cüdahuingün ñi deumangeal tati fillque video. Epe 100.000 hora cüdahuingün epu tripantu mu ñi pepicayafiel com chi fütra trahun. 70.000 hora cüdahuingün ñi deumayafiel chi fütra video feipingelu Nehemías: “Tati ayüwün Jewba mew küpalu newentukukeeymünmu”. 76 minuto puhui chi video, huelu fentren cüdau tripai.

Feimu fentren plata gastangei ñi cuidangeal tati pu cüdauquelu ca ñi elungeal com tañi duamnieel tañi cüdahual.

Quiñe peñi cüdauquelu ti Troquiñche Pepicaquelu Fillque Audio ca Video, Jared Gossman pingelu, feipi: “Ti Cuerpo Gobernante ayüniei ñi tripayal taiñ video mu fillque tuhun che ca fillque mapu, femngechi quimfali ñi mülen huall Mapu püle Jehová tañi pu che. Ñi femtripayal tüfa, quiñentrür cüdahuingün 24 troquiñche 11 mapu mu. Ñi cüme tripayal chi cüdau, duamfali ñi cüme adcünungeal com tati pu cüdaulu ca gastangei fentren plata”.

Ñi deumangeal quiñeque video, duamniengei doi huesaquelu ca fillem dungu. Estados Unidos mapu mu, mülei quiñe fütra bodega reque cheu taiñ grabaquen quiñeque video, Mount Ebo pingei. Tüfa mu grabangei chi fütra video tripalu ta Nehemías, huelu hune mülefui ñi com pepicacünungeal ñi trürngeal Nehemías ñi antü mu reque. Deumangequei paneles ñi adentucünuafiel ti fütra cura malal Jerusalén mu. Quiñeque paneles fentepürai cayu metro. Mamüll mu deumangei ca tuculelngei material cura quechilelu. Tüfachi panel fanelai, deumangeafui ca teifüngetuafui ca femngechi ñi huiño pünengetual, femngechi ñi ngünamcangenoal ta plata. Cüme pünengelu rume chi plata, 78.000.000 de pesos fali tati panel.a

Quimtuculu iñchiñ ñi mülen fentren cüdau, fei hula doi falintuquefiyiñ tati fütra trahun. Com tüfachi cüdau ñi duam mu, püramyengeai ta Jehová com Mapu püle. Mañumuhuiyiñ tamün hulün plata com eimün. Fentren eimün hulqueimün plata taiñ pagina donate.jw.org internet mu.