Chau Dios, ¿pünefi chi evolucion ñi deumayafiel mongen?

Biblia ñi quimeltuqueel

Biblia feipilei Chau Dios deumai pu che, fillque anümca ca culliñ (Génesis 1:12, 21, 25, 27; Apocalipsis 4:11). Biblia quimeltui com pu che tuhui ti hunen curehuen mu, Adán y Eva pingelu (Génesis 3:20; 4:1). Biblia feipilai Chau Dios ñi pünefiel ti evolucion ñi deumayafiel ti mongen. Pu cientifico feipiquei rupalechi tripantu mu cangelerputuquei tañi ad tati pu culliñ. Biblia catrüntucuquelai femngechi quimeltun.

¿Chem am feyentuquei quiñeque che?

Quiñeque che feyentuquei Chau Dios ñi pünefiel chi evolucion tañi deumayafiel com tati mülelu piqueingün. Fillque raquiduam nieingün ñi chumcünungen. Quiñe lifru feipi: “Fentren che feyentuquei Chau Dios elufi tati pu culliñ cangetual ñi ad rupalechi antü, fei ñi mongetripayal” (Encyclopædia Britannica).

Tüfachi quimeltun ca feipiafui caquelu dungu:

Com tati mongen tuhui cuifique mongen mu.
Pu che feipiquei quiñe culliñ ca culliñ ngetuafui. Cafei quimeltungequei tati pu mono checünuhurpuquei chumngechi ñi amulen tripantu.
Ca feipingequei Chau Dios ngüneniefi com tüfachi dungu.

Evolucion, ¿trürcülepei mai Biblia ñi quimeltun mu?

Chau Dios pünefile ti evolucion ñi deumayafiel tati pu che, coilangeafui ñi feipin ti lifru Génesis. Huelu Jesús feipi rüfngei ñi feipin ti lifru Génesis (Génesis 1:26, 27; 2:18-24; Mateo 19:4-6). Biblia feipi petu ñi acunon Jesús Mapu mu, Chau Dios engu mülequei huenu mu. Jesús quellufi tañi Chau ñi deumayal “itrocom tati mülelu” (Juan 1:3). Feimu lle feipingequei Chau Dios pünefi ti evolucion ñi deumayafiel tati pu che, huelu feichi quimeltun trürcülelai Biblia ñi quimeltun mu.

Tati mongen cangetuquei ñi ad rupalechi antü mu, ¿pengeli tüfa rüfngen chi evolucion?

Tati Biblia pengelquelai tunte ñi cangetual ñi ad tati mongen. Tati Biblia ca feipilai tati anümca ca tati pu culliñ cangetuquelai rupachi antü mu. Tati anümca, tati pu culliñ cangetulu ñi ad engün, tati pu che feipiquei “evolucion tati”. Huelu femngelai tati.