Pu Dunguquelu Ineingen Jehová, ¿hudamquepefi mai pu familia?

Iñchiñ pu Dunguquelu Ineingen Jehová yafüuluqueiñ ñi quiñeucüleal pu familia, ¿chumngelu cai? Chau Dios eli tati familia ñi quiñeucüleal (Génesis 2:21-24; Efesios 3:14, 15). Ngünechen Biblia meu eli fillque ngülam, fei inafile pu familia, doi quiñeucüleafui ca ayüucüleafui.

¿Chumquei pu testigo ñi quiñeucüleal pu familia?

Iñchiñ inaqueiñ Biblia ñi ngülam, fei tüfa quelluqueiñmu taiñ doi cüme chau ca ñuque ngeal ca doi cüme yeucüleal taiñ afcadi meu (Proverbios 31:10-31; Efesios 5:22; 6:4; 1 Timoteu 5:8). Quiñeque familia quiñeucülelai tañi feyentun mu engün, huelu Biblia ñi feipin ca quelluafeyu (1 Pedro 3:1, 2). Peaiñ ñi feipin quiñe ti curehuen tañi afcadi testigo de Jehová ngerpulu.

• Quiñe peñi, Clauir pingelu, Brasil mapu tuulu feipi: “Tati hunen cayu tripantu tayu niehun epe fill antu yafcauquefuyu. Rume huesa duamcülefuyu. Huelu tañi domo testigo ngerpulu, doi cüme yeucületuyu. Ñi femün tañi domo, doi piuqueyeutuyu ca doi quiñeucületuyu”.

• Quiñe lamngen Agness pingelu, Sambia mapu tuulu, feipi: “Tañi füta eluulu ñi chillcatual Biblia, iñche rume catrütufiñ, iñche feipiquefun: ‘Pu testigo re hudamquei pu familia’ piquefun tañi raquiduam mu. Huelu rupalu chi antü, ngüneduamürpun Biblia ñi ngülam rume quelluquefi pu curehuen ñi quiñeucüleal”.

Amuldungun mu iñchiñ feipiquefiyiñ tati pu che inafile engün Biblia ñi ngülam, quelluafeyu engün. Biblia ñi ngülam, ¿chumngechi quelluquefi pu familia? Peafiyiñ

• Ñi cüme dullial tañi afcadi

• Ñi cüme chaftual tati fillque huesaque dungu ñi rupayafel hue nieulu

• Ñi cüme yeucüleal com ti familia engün

• Ñi cüme adcünual chi plata

• Chem chumal ñi müte yafcaunoal

• Ñi perdonahual

• Chumngechi ñi ngülamtuafiel pu yall

¿Cüdaungechi dungu rupayafui trürcülenole ñi religion pu curehuen?

Fempeafui chi. 1998 tripantü meu quiñe fütra empresa feipi epu mari curehuen-ngen mu, quiñe rupai cüdaungechi dungu meu quiñe tañi afcadi mu ñi testigo ngerpun meu.

Jesús feipi tañi pu inanieteu rupayaingün cüdaungechi dungu meu tañi familia mu (Mateo 10:32-36). Quiñe adümuucülechi huentru Huill Durant pingelu, feipi pu romano che ñi antü meu “pu cristiano hudamquefingün pu familia”.⁠a Fantepu meu ca femngechi feipingequei pu testigo ñi hudamquefiel pu familia. Huelu, ¿culpatufalngepei mai pu testigo?

Tati Tribunal Europeo de Derechos Humanos feipi: “Fentren rupa feichi familia Testigo ngenolu cüme llouquelai ñi feyentuqueel pu testigo ca yamquelafi ñi raquiduamqueel, feimu yafcauqueingün. Femngechi dungu rupaquei com pu familia trürcülenolu religion meu, fei ca femngechi rupaquei pu Dunguquelu Ineingen Jehová”.⁠b Huelu huesa pingeliyiñ rume, pu Dunguquelu Ineingen Jehová eluucüleiñ ñi inayal chem pilen tüfachi troquiñ Biblia: “Huesa femngelmün huiñoleltulayaimün huesa femün. [...] Tamün cümelcaucüleal com pu che engün femaimün tunte tamün pepi femün”. (Romanos 12:17, 18, Traducción del Nuevo Mundo, TNM).

Pu testigo, ¿chumngelu nieulai cangelu che engu nienolu tañi feyentun?

Iñchiñ pu Testigo eluucüleiñ taiñ niehual cangelu che mu nielu iñchiñ taiñ feyentun müten, femngechi quimeltuquei Biblia (1 Corintio 7:39). Inaliyiñ tüfa, müna cümelcayaiñmu. Raquiduamnge ñi feipin quiñe revista 2010 tripantu meu: “Pu curehuen quiñeucülele tañi feyentun engu, doi cüme yeucüleai”.⁠c

Biblia quimeltuquelai ñi hudamal pu curehuen quiñe ta tüfa testigo ngenole. Biblia feipi: “Quiñe peñi curengele quiñe feyentulenochi domo engu, huelu ti domo cüpa mülenagle tañi huentru engu, fei ti füta ngelai ñi elcünuafiel. Cafei quiñe domo fütangele quiñe feyentulenochi huentru engu, huelu ti huentru cüpa mülenagle fei engu, ti domo ngelai ñi elcünuafiel tañi füta” (1 Corintio 7:12, 13, TNM). Iñchiñ inaqueiñ tüfachi ngülam.