¿Chumngechi inayentuafuimi ta Jesús?

CUTRANPIUQUEYECHEAIÑ

Jesús culpanchengelai, feimu rupaquelafui fill huesaque dungu ñi rupaquen pu che tañi antü meu. Femngelu rume, duamtuchequefui ca eluuquefui ñi femal fütraque dungu ñi quelluafiel pu che. Pichiquen dungu meu müten quellulafi pu che, doi mai fütraque dungu mu quellufi engün. Tañi cutranpiuqueyechen mu eluhui ñi doi quelluafiel pu che. Tati capitulo 32, 37, 57 ca 99 peafuimi quiñeque ejemplo.

CÜME LLOHUAIÑ PU CHE

Jesús mallma piuquengelai ca püntüuquelafui pu che mu, feimu com pu che tunten tripantu niefui rume, pu fütaqueche ca pichiqueche, huechequeche cütu ayüfui ñi fülmanieafiel. Pefiel ñi fente duamtuchequen ta Jesús, pu che cüme duamqueingün ñi müleal quisu mu. Capitulo 25, 27 ca 95 peaimi chumngechi Jesús cüme llouquefui pu che.

FENTREN RUPA LLELLIPUAIÑ

Jesús rüf piuque meu llellipuquefui ta Chau Dios. Quisu llellipuquefui ca peniequefeyu rume caquelu pu che poyefilu ta Chau Dios. Fentren rupa llellipuquefui, tañi yafütual müten no. Tañi llellipun mu mañumquefi ca püramyefi tañi Chau. Cafei llellipuquefi tañi adnieaeteu fei ñi cüme dullial. Ngüneduamaimi ñi rupan capitulo 24, 34, 91, 122 ca 123.

QUISUTU DUAMUULAYAIÑ

Quiñeque mu, Jesús duamniefui ñi ürcütual ca cüme rupaleal. Huelu famentufi tüfa, fei ñi quelluafiel pu che. Quisutu duamuulai müten. Tañi femün mu inayentufali. Capitulo 19, 41 ca 52 peaimi chumngechi pengeli tañi quisutu duamuunon.

PERDONACHEAIÑ

Jesús quimeltui ñi fente falin-ngen perdonacheal. Huelu fei ca müten no, quisu perdonafi tañi pu discipulo ca caquelu pu che, femngechi pengeli ñi perdonachequen. Capitulo 26, 40, 64, 85 ca 131 peaimi chumngechi ñi femün.

COM PIUQUE MU POYEAFIYIÑ TA CHAU JEHOVÁ

Tati fillque profecia feipicünui epe com pu judio ñi famentuafiel tati Mesías. Ca feipicünui tañi pu caiñe ñi langümaeteu. Quimlu tüfa Jesús afeluhuafui, huelu com piuque mu cüdahui, fei ñi cüme poyengeal ta Chau Dios. Femngechi Jesús tañi cüme femün inayentufali com tañi pu inaniequeteu mu. Femngechi inantucungeliyiñ rume, chaftuafiyiñ taiñ pu caiñetuqueteu. Inaduamnge chem ñi feipin tati capitulo 16, 72 ca 103.

ÑOMCHENGEAIÑ

Jesús doicülefui caquelu che mu, doi quimchengefui, niefui fentren quimün ca culpanchengelai. Inei no rume trürümuulayafui Jesús mu. Femngelu rume, ñomchengefui ca quellufi caquelu pu che. Capitulo 10, 62, 66, 94 ca 116 doi quimafiyiñ chumngechi Jesús pengeli tañi ñomchengen.

NIEAIÑ PACIENCIA

Jesús pengeli ñi ngenoafeluhun-ngen ca ñi nieel paciencia huelulcaulu tañi pu discipulo ca caquelu pu che. Cüme quimelelfi engün tañi doi hueniyeafiel ta Chau Jehová. Capitulo 74, 98, 118 ca 135 quimaimi chumngechi Jesús pengeli ñi nieel ta paciencia.