5. Jehová, ¿chem ayüquei ñi femal tañi pu hueni?

Com iñchiñ ayüqueiñ taiñ cümelcayaeteu taiñ pu hueni.

• ¿Chem ayüafuimi ñi femal tami pu hueni eimi mu?

Papeltuaiñ 1 Juan 5:3, ca ngüneduamaiñ tüfachi ramtun:

• Biblia ñi feipin mu, Jehová ¿chem ayüquei ñi femal tañi pu hueni?

Rüf piuqueyefiliyiñ ta Jehová, feyentuafiyiñ ca elcünuaiñ tati huesaque dungu. Papeltuaiñ Isaías 48:17, 18, ca ngüneduamaiñ tüfachi ramtun:

• Jehová, ¿chumngelu ayüquei taiñ inayal tañi feipin?

Eluulu eimi tami chillcatuafiel Biblia, fantepu meu ¿doi piuqueyerpufimi ta Jehová? ¿Ayüafuimi tami doi cüme hueniyerpuafiel ta Chau Dios? ‘Mai’ pilmi, loncontucunge tüfa: pengelelfilmi ta Jehová tami doi piuqueyeniefiel, quisu ta doi piuqueyeaimu ca cuñiutucuaimu. ¿Chumngechi pengelelafuimi tami piuqueyeniefiel ta Jehová?

1. ¿Chumngechi pengelelafuiñ taiñ piuqueyeniefiel ta Jehová?

Inafiliyiñ Jehová tañi feipin, pengelelafiyiñ taiñ piuqueyeniefiel (papeltuaimi 1 Juan 5:3). Huelu dicümtucuquelafi inei no rume ñi allcütuaeteu, huelu mai elueiñmu caque quiñeque iñchiñ taiñ dullial ñi inayafiel cam inanoafiel. ¿Chumngelu am?a Jehová ayüquei ‘com piuque mu taiñ feyentuafiel ti quimeltun’ (Romanos 6:17). Tüfa quimeltuqueiñmu Jehová ayüquei tañi inayafiel tañi feipin fente taiñ piuqueyeniefiel. Tati troquiñ 3 ca 4 tüfachi lifru meu quelluaimu tami femal Jehová ñi ayüqueel ca famentuafiel ñi ayüquenoel, femngechi pengelelafuimi tunte tami piuqueyeniefiel ta Jehová.

2. Cüdaungeafui chi taiñ pengelal taiñ piuqueyeniefiel ta Jehová

Biblia feipi: ‘Fentren huesaque dungu mu rupaquei ti nor che’ (Salmo 34:19). Com iñchiñ rupaqueiñ fillque huesaque dungu meu: huelulcauqueiñ, niehuelayafuiñ plata, norngenochi dungu femngeafuiñ cam caquelu huesaque dungu mu rupayafuiñ. Femngechi rupaliyiñ, doi cüdautuafuiñ chi taiñ femal Ngünechen tañi ayüqueel. Huelu nehuentuuliyiñ taiñ inanieafiel Jehová tañi feipin, pengelelafiyiñ taiñ rüf piuqueyeniefiel ca taiñ nor poyeniequefiel. Femngechi femliyiñ, Jehová nor piuqueyeaiñmu ca ‘turpu elcünulayaiñmu’ (Hebreos 13:5).

4. Ayühulelfinge Jehová tañi piuque

Papeltuaiñ Proverbios 27:11, ca ngüneduamaiñ tüfachi ramtun:

• Quim chengeliyiñ ca allcütufiliyiñ ta Jehová, ¿chum duamcüleai Jehová? ¿Chumngelu femngechi feipiafuimi?

5. Eimi nor piuqueyerpuafuimi ta Jehová

VIDEO: Incayafimi tami feyentun (5:09)

• ¿Cüdautuquepeimi mai ñi nütramcayafiel tati pu che Jehová mu?

• ¿Chumi Jorge ñi llicahuenoal?

Piuqueyefiliyiñ Jehová ñi piuqueyefiel ca üdefiliyiñ Jehová ñi üdequeel, cüdautulayaiñ ñi inanieal quisu ñi feipin. Papeltuaiñ Salmo 97:10, ca ngüneduamaiñ tüfachi epu ramtun:

• ¿Chem dungu Jehová piuqueyeniefi? ¿Chem dungu Jehová üdequefi?

• ¿Chem quelluaimu tami piuqueyeafiel tati cümeque dungu ca üdeafiel tati huesaque dungu?

6. Müna cümei taiñ allcütuquefiel ta Jehová

Allcütufiliyiñ ta Jehová cümelcayaiñmu. Papeltuaiñ Isaías 48:17, 18, ca ngüneduamaiñ tüfachi epu ramtun:

• Inaliyiñ Jehová tañi feipin, ¿rüf cümelcayafeiñmu? ¿Chumngelu femngechi raquiduamqueimi?

• Feula doi quimimi tati Biblia, ca doi fülmanieimu ta Jehová, ¿chumngechi quellueimu ta tüfa tami mongen meu?

TAMI QUIMEL

Rupaliyiñ rume fillque huesaque dungu, eluhuaiñ taiñ rumel allcütuafiel ta Jehová, femngechi pengelaiñ taiñ fente piuqueyeniefiel.

¿Chem piafuimi?

• ¿Chem quimeltueimu Job ñi rupan?

• ¿Chumngechi pengelafuimi tami rüf piuqueyeniefiel ta Jehová?

• ¿Chem quelluaimu tami nor piuqueyenieafiel ta Jehová?

CA PEAFUIMI

Quimürpunge chumngechi nor piuqueyeafiel ta Jehová ca tati trahunche.

“Eimi nor piuqueyeafimi tati che nor piuquengelu” (16:49)

Doi quimürpunge chumngechi Huecüfü huitrameldungufi tati pu che.

“Job püntüwlay Ngünechen mu” (Tati Biblia ka tañi werkün dungu, trokiñ 6)

Ngüneduamnge chumngechi pu huechequeche ca pengelafuingün fente ñi piuqueyequefiel ta Jehová.

Ayühulfinge ta Jehová (8:16)

Quiñe hueche dicümtucungele rume ñi femal huesaque dungu, ¿chumafui ñi nor piuqueyeafiel ta Jehová?

Chaftufinge kakelu che tami dikümtukukeetew (3:59)

Fillque dungu mülei taiñ dullial taiñ mongen meu. Raquiduamnge tüfachi dungu: com iñchiñ mülei taiñ dullial cheu taiñ mongeleal ca chem chumaiñ ñi nierpual taiñ duamnieel. Cafei caque quiñeque iñchiñ dulliafuiñ taiñ nierpual afcadi cam taiñ nienoal. Cüme dulliliyiñ, cüme feleaiñ ca cüme hueniyeafiyiñ ta Jehová. Huelu huesa dulliliyiñ, cüme rupalelayaiñ llemai.

1. Tati Biblia, ¿chumngechi quelluafeimu tami cüme dullial?

Petu tami dullinon, ngillatufinge ta Jehová tami quelluaeteu ca papeltuafimi Biblia tami quimürpual chem raquiduamquei Jehová (papeltuaimi Proverbios 2:3-6). Quiñeque mu Jehová müna cüme feipiquei Biblia meu chem tami chumal, fei müna cümeafui tami inayal ñi feipin.

Quiñeque mu, pelayafuimi quiñe huercün dungu Biblia meu tami feipiaeteu chem tami chumal. Huelu Jehová ca quelluaimu tami quimal “chem rüpü meu tami miyahual” (Isaías 48:17). ¿Chumngechi quelluafeimu? Biblia meu Jehová eli fillque ngülam taiñ adnieaeteu, feichi ngülam pengeli Jehová tañi raquiduamqueel. Ngüneduamfiliyiñ fillque nütram Biblia meu, quimaiñ Jehová ñi raquiduamqueel. Fei tüfa quelluaiñmu taiñ cüme dullial ca ayühulafiyiñ ta Jehová.

2. Petu tami dullinon, ¿chem dungu mu raquiduamaimi?

Biblia feipi: “Ti adümuhun-ngelu cüme raquiduamquei tañi chem chumal” (Proverbios 14:15). Felei llemai, petu taiñ dullinon cüme raquiduamaiñ chem taiñ chumafel. Petu raquiduamülmi tami chem chumal, ramtuunge: “¿Chem ngülam Biblia meu quelluafeneu? Dullifili tüfa, ¿chum duamelaeneu? Caquelu che cai, ¿cüme duampeai mai tañi dulliel meu? Tañi dulliel, ¿ayühulpeafui mai ta Jehová?” (Deuteronomio 32:29).

Jehová deumaeiñmu, feimu ngen-ngei taiñ feipiaeteu chem ñi cümen ca chem ñi cümenon. Cüme quimfiliyiñ Jehová tañi ley dungu ca tañi fillque ngülam, doi eluucüleaiñ taiñ inayafiel. Tüfa quelluqueiñmu taiñ cüme raquiduam nieal. Cüme raquiduam nieliyiñ, quimaiñ chem ñi cümen ca chem ñi cümenon (Romanos 2:14, 15). Fei tüfa quelluaiñmu taiñ cüme dullial.

DOI QUIMAIMI

3. Eluunge tami adnieaeteu Biblia

VIDEO: Eluunge tami adnieaeteu Biblia ñi ngülam (5:54)

• Jehová, ¿chem elueiñmu taiñ femal quisuque ta iñchiñ?

• Jehová, ¿chumngelu (chemu) elueiñmu taiñ dullial caque quisuque iñchiñ chem taiñ chumal?

• Jehová, ¿chumngechi quelluqueiñmu taiñ cüme dullial?

Taiñ quimal quiñe ngülam tripalu Biblia meu, papeltuaiñ Filipenses 1:10. Ca ngüneduamaiñ tüfachi cüla ramtun:

• Tüfachi troquiñ Biblia, ¿chumngechi quelluafeimu tami papeltuafiel Biblia fill antü?

• Pu füta, pu domo, pu chau, pu ñuque, pu fotüm, pu ñahue, ¿chumngechi quelluafeyu tüfachi troquiñ Biblia ñi doi cüme chengeal engün?

• Tüfachi troquiñ Biblia, ¿chumngechi quelluafeimu tami doi eluucüleal tami trahuluhual?

4. Eluunge tami quimal chem ñi cümen ca chem ñi cümenon

VIDEO: Niemün cüme raquiduam (5:13)

• Taiñ lamngen, ¿chumi ñi cüme raquiduam nieal ca ayühulafiel ta Jehová?

Quimnolmi chumal, ¿chumngelu ramtulayafimi caquelu che chem tami dullial? Papeltuaiñ Hebreos 5:14, ca ngüneduamaiñ tüfachi epu ramtun:

• ‘Feipien chem tañi chumal’ piafuiñ ta quiñe che, huelu ¿chumngelu falin-ngei taiñ quisutu dullial chem taiñ chumal?

• Taiñ quimal chem ñi cümen ca chem ñi cümenon, femngechi taiñ cüme dullial ¿chem quelluafeiñmu?

5. Yamnieafiyiñ caquelu che ñi dulliel

Com iñchiñ trürngelaiñ, feimu caquerumeafui taiñ dulliel. ¿Chumngechi pengelafuiñ taiñ yamniequefiel caquelu che ñi dulliel? Raquiduamnge tüfachi epu dungu meu:

1: Quiñe lamngen ayüquelu ñi tucuhual maquillaje huiñamtuhui quiñe hue trahunche mu. Üyeu pu lamngen tucuuquelaingün maquillaje ca huesa duamelqueyu engün pefiel mu caquelu domo tucuuquelu maquillaje.

Papeltuaiñ Romanos 15:1 ca 1 Corintios 10:23, 24, fei ngüneduamaiñ tüfachi epu ramtun:

• Ñi feipin mu tüfachi troquiñ Biblia, taiñ lamngen ¿chem dulliafui tañi femal? Eimi cümelu troquifilmi femal quiñe dungu, huelu cangelu che huesa troquifile, ¿chem chumafuimi eimi?

2: Quiñe peñi quimniei tati Biblia condenaquelai pulcutual, huelu dulli putunoal chem pulcu no rume. Fei quiñe antü trahuluhui caquelu pu peñi ca lamngen meu ca quisu engün pichiquen pulcutuingün.

Papeltuaiñ Eclesiastés 7:16 ca Romanos 14:1, 10, fei ngüneduamaiñ tüfachi epu ramtun:

• Ñi feipin mu tüfachi troquiñ Biblia, taiñ peñi ¿chem dulliafui tañi femal? Pefilmi quiñe peñi cam lamngen femmequelu quiñe dungu cümelu tañi troquifiel, huelu eimi cümelu troquiquelafimi ¿chem chumafuimi?

¿Chumafuimi tami cüme dullial?

1. Ngillatun meu “quelluen tañi cüme dullial” piafuimi ta Jehová (Santiago 1:5).

2. Ngüneduamnge chem pilen Biblia ca taiñ fillque papel ca video tami quimal chem tami chumal. Cafei nütramcayafuimi pu peñi ca pu lamngen cüme hueniyefilu ta Jehová.

3. Raquiduamnge: “Dullifili tüfachi dungu, ¿chum duamcüleafun? ¿Chum duamelafun ta caquelu che?”.

TAMI QUIMEL

Petu taiñ dullinon, cüme raquiduamaiñ chem ñi raquiduamqueel Jehová ca chumngechi duamelafuiñ ta caquelu pu che, femngechi cüme dulliaiñ llemai.

¿Chem piafuimi?

• ¿Chumngechi ayühulafuimi ta Jehová tami dullin meu?

• ¿Chumafuimi tami quimal chem ñi cümen ca chem ñi cümenon?

• ¿Chumngechi pengelafuimi tami yamniefiel caquelu pu che ñi dulliel?

CA PEAFUIMI

Tami dulliel meu, ¿chumngechi doi cüme hueniyeafuimi ta Jehová?

“Tami dullin meu püramyengepe ta Jehová” (Ti Huerquen 15 abril, 2011)

Doi quimürpunge chumngechi ngülamtuqueiñmu Jehová.

Jehová adniefi tañi troquiñche (9:50)

Inaduamnge chem quellueyu quiñe huentru ñi cüme dullin.

Jehová eluqueiñmu re cümeque dungu (5:46)

Biblia meu mülenole quiñe ley feipilelu chem tami chumal, ¿chumafuimi tami ayühulafiel ta Jehová tami dulliel meu?

“¿Chumafuiñ mülenole quiñe huercün dungu Biblia meu?” (Ti Huerquen 1 diciembre, 2003)