15, 16. 1) Chaw Jewba, ¿chem feypikünuy ti lifru Habacuc mu? 2) ¿Chem kimeltukeeiñmu ñi feypikünuel?

¹⁵ Chaw Jewba feypikünuy: “Adkintufinge tati mallmangelu, kidu ta nor piwkengelay. Welu tati nor chengelu tañi manelfalngen mu mongelerpuay” ka kom pu che Mapu mu kimürpuay Jewba tañi ayükeel (Habacuc 2:4, 14). Feley llemay, Jewba feypikünuy ñi eluafiel rumel mongen kom pu ñochi piwkengelu ka maneluwlu kidu mu.

17. Maneluwliyiñ Jewba mu, ¿chumay kidu?

¹⁷ Ti lifru Habacuc kimeltukeeiñmu kiñe falin dungu kom iñchiñ mülelu afaelchi antü mu. Chaw Jewba feypikünuy ñi eluafiel rumel mongen kom pu norngechi che maneluwlu kidu mu. Feymu llemay amulepe taiñ doy maneluwken Chaw Ngünechen mu, chem weda dungu rupaliyiñ kam fill rakiduamküleliyiñ rume. Jewba tañi feypikünufiel ta Abakuk rakiduamelkeeiñmu kidu taiñ newentukuaetew ka montulaetew. Jewba piwkeyen mu feypikeeiñmu reke: “Maneluwaymi iñche mu ka ñochi duam mu üngümkülenge ñi puwal tañi Ngünenien kom Mapu medin antü mu”. Femngechi kom pu che Mapu mu ayüwküleay ka tüngküleay, fey ñi poyenieafiel ta Ngünechen (Matew 5:5; Ebrew 10:36-39).