Amulmi trahun mu, müna quelluaimu

¿Amuquefuimi cai pu Dunguquelu Ineingen Jehová ñi trahun mu?a Petu femnolmi, pichi llicaleafuimi chi tami amual. Eimi ramtuuqueimi chi: “¿Chumqueingün am tañi trahun mu? ¿Chumal am amuan? ¿Rüf quellupeafeneu?”. Feula quimaimi amulmi trahun mu, müna cümelcayaimu ca doi fülmaucüleaimi Chau Jehová mu.

1. Pu Dunguquelu Ineingen Jehová, ¿chumqueingün tañi trahun mu?

Biblia feipi: “Tati fütra trahunche meu, iñche püramyeafiñ ta Jehová” (Salmo 26:12). Felei llemai, iñchiñ trahuluuqueiñ taiñ püramyeafiel ta Jehová. Müna ayüuqueiñ taiñ quiñentrür trahuluuquen. Huall Mapu meu, pu testigo fill semana trahuluuqueingün. Fei, ¿chumqueingün tañi trahun meu? Püramyequefingün ta Jehová, ülcantuqueingün ca llellipuqueingün. Ca quiñeque mu, amuqueingün doi fütraque trahun mu.

2. ¿Chem dungu quimaimi trahun meu?

Taiñ trahun meu quimeltungequeiñ chem pin Biblia (papeltuaimi Nehemías 8:8). Amulmi, doi quimafuimi ta Chau Jehová mu. Femngechi doi fülmaucüleaimi quisu mu. Trahun mu ca quimaimi chumngechi ayüucüleal tami mongen mu (Isaías 48:17, 18).

3. ¿Chumngelu (chemu) cümeafui tami amual trahun mu?

Jehová feipi taiñ trahuluhual femngechi taiñ ‘hueluconque quelluhual ca piuqueyehual’ (Hebreos 10:24, 25). Feiti pu che amuquelu ti trahun mu, hueluconque piuqueyeuquei ca doi cüpa quimquei Chau Dios mu, eimi reque. Ca femngechi ti trahun mu, cüme nütram mülequei. Eimi amulmi, yafültucungeaimi (papeltuaimi Romanos 1:11, 12). Ca femngechi quimafimi caquerume che chaftumequei huesaque dungu, huelu nehuentuleingün, ayüucüleingün. Feimu llemai, rume cümeafui tami amual ta trahun mu.

DOI QUIMAIMI

4. ¿Chumqueiñ taiñ trahun meu?

Fütra cuifi pu cristiano ñi trahuluuquen, ¿chumquefuingün? Püramyequefingün ta Jehová (Romanos 16:3-5). Papeltuaiñ Colosenses 3:16, ca ngüneduamaiñ tüfachi ramtun:

• Cuifi mu tati pu hunenque cristiano, ¿chumngechi püramyequefingün ta Jehová?

VIDEO: ¿Chumqueingün am pu Dunguquelu Ineingen Jehová tañi Trahunhue Ruca mu? (2:13)

• Colosenses 3:16 pengeli ñi femquefel pu cristiano cuifi mu. Fantepu mu cai, ¿ca femngechi femqueiñ taiñ trahun meu? ¿Chem piafuimi?

• Tami pefiel video mu cam ti adentun meu, ¿ca chem ayüfimi taiñ trahun mu?

Papeltuaiñ 2 Corintios 9:7, ca ngüneduamaiñ tüfachi ramtun:

• Taiñ trahun meu, ¿chumngelu cofrangequelai tati pu che?

Feula peafiyiñ quiñeque dungu ñi ngüneduamngeal taiñ cüpalechi trahun mu.

• ¿Chem dungu ñi inaduamngeal trahun meu ayüafuimi tami allcütual?

¡Tüfei!

Taiñ pagina internet mu jw.org, peafuimi cheu ca chem hora mu trahuluhuafuimi.

1. Taiñ trahun meu hulngei hueupin, pengelngequei chumngechi amuldungucheal, ca pengelngequei video. Cafei hunelu mu ülcantuqueiñ ca ngillatuqueiñ.

2. Taiñ trahun meu tati pu che ca huiñoldunguafui.

3. Com che conafui taiñ trahun meu: pu huentru, pu domo, pu fütaqueche ca pichiqueche.

4. Cofrangequelai ñi conpual taiñ trahun meu ca ngillatungequelai plata.

5. Eluucülenge tami amual trahun mu

Raquiduamnge ñi femquefel Jesús tañi pu familia. Quisu engün mülequefui Nazaret huaria mu, huelu trahuluuquefuingün Jerusalén huaria. Cüla antü namuntu amuquefuingün ñi puhual üyeu. Papeltuaiñ Lucas 2:39-42, ca ngüneduamaiñ tüfachi cüla ramtun:

• Jesús tañi familia, ¿tunte cüdautuquefuingün ñi puhual Jerusalén mu?

• ¿Chumngelu eluhuaimi tami amual ta trahun mu?

• Cüdautulmi rume tami amual trahun mu, ¿cümelcapeafeimu mai?

• ¿Chumngelu elcünulayaimi tami trahuluhual?

TAMI QUIMEL

Trahun meu, doi quimafimi ta Jehová, doi hueniyeafimi ca quiñentrür püramyeafimi caquelu che engün.

¿Chem piafuimi?

• Jehová, ¿chumngelu ayüquei taiñ trahuluhual?

• Amulmi trahun mu, ¿chem quimaimi?

• Amulmi trahun mu, ¿ca chem cümeque dungu llohuaimi?

CA PEAFUIMI

Quiñe huentru llicalefui tañi amual trahun mu, huelu amulu fentecünulai tañi trahuluuquen. ¿Ca femngechi duamcüleimi eimi? Inaduamnge ti nütram.

Ngoimalayayu tayu cüme lloungen (4:16)

Quiñe hueche müna ayühuleyu tañi trahuluuquen, fei ¿chem quellueyu tañi ayühunquechi trahuluumequeal?

¡Müna ayühuleneu ñi trahuluhual! (4:33)

Caquelu che, ¿chum duamelqueyu amun mu trahun meu?

“¿Chumngelu falin-ngei tami trahuluhual trahunhue ruca mu?” (Troquiñ internet mu)

Quiñe huentru rume huesañmangequefulu, amui trahun, fei cüme elcünutui tañi mongen.

“Cheu rume amuli, miyahulquen tañi pistola” (Ti Huerquen 1 julio, 2014)

5. Caletui müleyechi dungu Mapu meu 1914 tripantu mu

Peaiñ ti VIDEO.

VIDEO: 1914 tripantu ta fantepu mu caletui ta dungu Mapu meu (1:10)

Jesús feipicünui chem ñi rupayal Mapu meu lonco ülmencünungele hula. Papeltuaiñ Lucas 21:9-11, ca ngüneduamaiñ tüfachi ramtun:

• ¿Femtripapei mai Jesús tañi feipin? ¿Chem piafuimi?

Ti apostol Pablo feipicünui ñi chumlerpual tati pu che epe afle Mapu müleyechi pu gobierno. Papeltuaiñ 2 Timoteo 3:1-5, ca ngüneduamaiñ tüfachi ramtun:

• Ñi chem pin tüfachi troquiñ Biblia, ¿femtripapei mai? ¿Chem piafuimi?

6. Ngünechen tañi Gobierno ngüneniemequei, fei pengelnge tami maneluucülen tüfa meu

Papeltuaiñ Mateo 24:3, 14, ca ngüneduamaiñ tüfachi epu ramtun:

• Chau Ngünechen tañi Gobierno deu ngüneniemequei, ¿chem fütra cüdau pengeli ta tüfa?

• ¿Chumafuimi tañi quelluconal tüfachi fütra cüdau meu?

Chau Dios tañi Gobierno deu ngüneniemequei huenu meu ca pichiñma meu ca ngünenieafi ta Mapu. Papeltuaiñ Hebreos 10:24, 25, ca ngüneduamaiñ tüfachi ramtun:

• Quimnielu cai ñi fülcülepan “Chau Dios ñi antü”, ¿chem eluhuaiñ taiñ femal?