3. ¿Chumngechi inayentuquefiyiñ Jesús ñi piuqueyechequen?

Jesús rume piuqueyerpufi tañi pu inaniequeteu, feimu tañi familia reque troquiquefeyu (papeltuaimi Marcos 3:35). Iñchiñ ca femngechi quiñeucüleiñ, quiñe fütra familia reque feleiñ huall Mapu meu. Feimu llemai “peñi” ca “lamngen” piuqueiñ (Filemón 1, 2). Cafei Biblia feipi: “Piuqueyeafimün com pu peñi ca pu lamngen” (1 Pedro 2:17). Iñchiñ caque rume dungu femqueiñ taiñ piuqueyeafiel taiñ pu peñi ca pu lamngen. Feimu quiñeque engün rupale huesaque dungu meu, iñchiñ eluucüleaiñ taiñ quelluafiel.

6. Fautizauliyiñ, conafuiñ Jehová tañi troquiñche meu

Chem femfuliyiñ rume cam chem tuhun niefuliyiñ rume, fautizaulu iñchiñ coniyiñ Jehová tañi troquiñche meu, feimu com quiñeucüleiñ quiñe fütra familia reque. ¡Felei llemai! Com quiñeucüleiñ taiñ feyentun meu ca inaniequeiñ Biblia tañi feipin. Papeltuaiñ Salmo 25:14 ca 1 Pedro 2:17, fei ngüneduamaiñ tüfachi ramtun:

• Fautizauliyiñ, ¿chem llohuaiñ Jehová meu? Ca ¿chum yeucüleaiñ taiñ pu peñi ca lamngen iñchiñ?

Mülen mu taiñ pu peñi ca pu lamngen iñchiñ, tati rey David reque duamcülequeiñ. Quisu feipi: “¡Müna cümei ca ayüfalngei pu peñi ca lamngen ñi quiñentrür müleal!” (Salmo 133:1). Huelu taiñ fentecünunoal taiñ quiñeucülen com iñchiñ mülei taiñ quelluhual.

1. ¿Chem dungu afmatufali Ngünechen tañi troquiñche mu?

Eimi trahuluhulmi ca troquiñ Mapu meu, quimlayafuimi chi tañi quehun dungu dungumequen engün, huelu müna cüme duamcüleaimi ¿chumngelu?a Ñi chillcatuqueel pu testigo trüri chem Mapu mu rume, ca com iñchiñ hueluquentu piuqueyehuiyiñ. Cheu rume müleliyiñ, com iñchiñ ayüqueiñ “püramyeafiel” ta Jehová ca cüdahuelafiel “quiñeucülen mu” (Sofonías 3:9).

2. ¿Chumafuimi tañi quiñeucüleal ti trahunche?

Biblia feipi: “Com piuque meu hueluquentu piuqueyeuqueaimün” (1 Pedro 1:22). ¿Chumngechi inayafuimi tüfachi ngülam? Raquiduamlayaimi huesaque dungu ñi femquen ta caquelu, doi mai cümeque dungu ñi femquen engün. Cafei trahuluhuaimi ca quimafimi com pu peñi ca lamngen trahunche meu, feiti trürngenolu eimi reque cütu. Ca com piuque mu cüdahuaiñ taiñ dullintuchenoal (papeltuaimi 1 Pedro 2:17).b

3. Yafcahulmi quiñe peñi cam lamngen engu, ¿chem chumafuimi?

Culpafengelu cai iñchiñ, quiñeque mu huesa duamelafuiñ taiñ pu peñi ca pu lamngen. Feimu Biblia ngülamtuqueiñmu: “Hueluquentu perdonahuaimün com piuque mu”. Ca feipi: “Chau Jehová com piuque mu rulpacünui com tamün huelulcan, feimu ca femngechi femqueaimün” (papeltuaimi Colosenses 3:13). Iñchiñ fentren rupa huesa femquefiyiñ ta Chau Jehová, huelu quisu perdonaqueiñmu. Feimu ca femngechi Chau Ngünechen ayüquei taiñ perdonacheal. Feimu quimtuculmi tami huesa duamelfiel quiñe peñi cam lamngen, pürüm eluunge tamu cümelcautual (papeltuaimi Mateo 5:23, 24).c

DOI QUIMAIMI

4. Dullintuchefengelayaimi

Com iñchiñ cüpa piuqueyefiyiñ taiñ pu peñi ca pu lamngen, huelu quiñeque mu cüdaungeafui piuqueyeafiel feiti trürcülenolu iñchiñ mu. ¿Chem quelluafeiñmu? Papeltuaiñ Hechos 10:34, 35, ca ngüneduamaiñ tüfachi epu ramtun:

• Jehová llouquefi com pu che, chem tuhun-ngele rume. Raquiduamliyiñ tüfa mu, ¿chumngechi troquiafiyiñ taiñ pu peñi ca pu lamngen trürngenolu iñchiñ reque?

• Tami lof meu, ¿chem dungu meu tati pu che dullintuchequeingün? Ca ¿chumngelu cümeafui tami femngechi raquiduamnoal?

Papeltuaiñ 2 Corintios 6:11-13, ca ngüneduamaiñ tüfachi ramtun:

• ¿Chumafuimi tami doi piuqueyeafiel com tami pu peñi ca pu lamngen?

5. Eluunge tami perdonacheal ca cümelcautual

Iñchiñ quimnieiñ Jehová duamlai tañi perdonangeal, huelu quisu eluucülequei taiñ perdonayaeteu. Papeltuaiñ Salmo 86:5, ca ngüneduamaiñ tüfachi cüla ramtun:

• Tüfachi troquiñ Biblia ñi feipin, ¿chem quimeltuqueiñmu Jehová tañi perdonachequen meu?

• ¿Chumngelu mañumcüleimi Jehová tañi perdonachequen mu?

• ¿Chem dungu meu cüdaungeafui taiñ cüme yeucüleal taiñ pu peñi ca pu lamngen iñchiñ?

Ayüliyiñ taiñ quiñeucüleal taiñ pu peñi ca pu lamngen iñchiñ, ¿chem dungu inayentuafuiñ Jehová mu? Papeltuaiñ Proverbios 19:11, ca ngüneduamaiñ tüfachi ramtun:

• Huesa duamelngeliyiñ, ¿chem cümeafui taiñ femal?

Quiñeque mu iñchiñ huesa duamelafuiñ ta caquelu. Huelu rupaliyiñ tüfachi dungu mu, ¿chem mülei taiñ femal? Peaiñ ti VIDEO, ca ngüneduamaiñ tüfachi ramtun.

VIDEO: Taiñ wiño tutewal kümelkayafeiñmew (6:01)

• ¿Chem chumi ti lamngen ñi cümelcautual cangelu lamngen engu?

6. Ngüneduamnge ñi cüme femqueel pu peñi ca pu lamngen

Doi quimfiliyiñ taiñ pu peñi ca pu lamngen, doi quimürpuafiyiñ tañi cüme femquen engün, huelu ca femngechi tañi müte cüme femquenon engün. Fei, ¿chem quelluafeiñmu taiñ ngüneduamafiel tati cümeque dungu ñi femqueel taiñ pu peñi ca pu lamngen? Peaiñ ti VIDEO, ca ngüneduamaiñ tüfachi ramtun.

VIDEO: ¡Doy küme chengerpuaymi! (5:10)

• ¿Chem quelluafeiñmu taiñ peafiel ñi cümeque dungu ñi femqueel taiñ pu peñi ca pu lamngen?

Jehová inaduamqueiñmu taiñ cüme chumngen. Papeltuaiñ 2 Crónicas 16:9a, ca ngüneduamaiñ tüfachi ramtun:

• Jehová inaduamquei tami cüme femquen. Quimfiel mu eimi, ¿chem raquiduamelqueimu?

TAMI QUIMEL

Piuqueyefiliyiñ ca perdonafiliyiñ taiñ pu peñi ca pu lamngen, tati trahunche quiñeucüleai.

¿Chem piafuimi?

• ¿Chem chumafuimi tami dullintuchefengenoal?

• Quiñe raquiduam nienoliyiñ taiñ pu peñi ca lamngen iñchiñ, ¿chem chumafuiñ?

• ¿Ayüafuimi perdonacheal Jehová reque?

CA PEAFUIMI

Inaduamnge quiñe ejemplo ñi feipin Jesús, fei quelluaiñmeu taiñ dullichefengenoal.

Nentunge ti fütra mamüll reke felelu (7:01)

Raquiduamliyiñ taiñ huelulcaunon rume, ¿ca mülefui taiñ feipial “perdonayafen”?

“‘Perdonaen’ feipiliyiñ, quelluaiñmu taiñ cümelcautual” (Ti Huerquen 1 noviembre, 2002)

Pefinge chumngechi quiñeque che quimürpui ñi juzgachenoal.

Jusgachelayaiñ taiñ pekeel mu (5:06)

Ngüneduamnge chem chumafuimi tami huiño cümelcautual quiñe peñi cam lamngen engu, femngechi ñi tüngcüleal ti trahunche.

“Piuqueyeuliyiñ cümelcautuafuiñ” (Ti Huerquen mayo, 2016)