Pu Dunguquelu Ineingen Jehová, ¿feipiqueingün chem video, ül, ca lifru ñi famentungeal?
Femlai. Taiñ adcünungeelchi troquiñche ngüneduamquelai fillque video, ül ca lifru ñi feipial chuchi tañi famentungeal. ¿Chumngelu am?
Tati Biblia feipiquei taiñ “ngüneduamafiel com dungu” pepiluhun mu ñi quimafiel chem dungu ñi cümen ca ñi cümenon (Hebreos 5:14).
Tati Biblia niei cümeque ngülam taiñ quelluaeteu ñi cüme dullial taiñ adngelluhun.a Tüfa mu ca fillque dungu taiñ mongen mu ayüqueiñ inayal ñi chem pilen Efesios 5:10: “Adngelluucülemün tamün femal Ñidol tañi tutequeteuchi dungu”.
Biblia quimeltuquei tati loncolelu familia mu niei ta pepiluhun ñi feipilelafiel tañi pu che chem adngelluhun tañi famentual engün (1 Corintios 11:3; Efesios 6:1-4). Huelu trahunche mu inei no rume feipilayafui chem video, ül ca fütra üitungeelchi che ñi famentungeal, ca femngechi dicümtuculayafui ñi inangeal tañi raquiduam (Romanos 14:12).
a Quiñe dungu, tati Biblia feipi Ngünechen ñi üdequeel chem dungu rume amultuculu ñi fülconal pu huesaque püllü mu, fillque pecan cudumuhun ca quehuan dungu (Deuteronomio 18:10-13; Efesios 5:3; Colosenses 3:8).