Pu Dunguquelu Ineingen Jehová, ¿raquiduamqueingün Chau Ngünechen ñi deumafiel ti Mapu 24 hora nieelchi cayu antü mu?

Rüfngelai tati. Iñchiñ feyentuquefiyiñ Chau Ngünechen ñi deumafiel com ti dungu, huelu raquiduamquelaiñ Ngünechen ñi deumafiel com ñi mülen Mapu mu 24 hora nieelchi cayu antü mu. ¿Chumngelu cai? Tüfachi dungu am chaftuquefilu Biblia ñi quimeltuqueel. Peaiñ epu dungu:

1. Tunte puhui ti cayu antü ñi deumangeel com ñi mülen Mapu mu. Quiñeque raquiduamqueingün ñi deumangeel com ñi mülen ti Mapu mu 24 hora nieelchi cayu antü mu. Huelu ti Biblia mu feipilu “antü” quiñeque mu cüpa feipi doi fentren antü (Génesis 2:4; 2 Pedro 3:8).

2. Tunten tripantu ñi nieel ti Mapu. Ca quimeltungequei ti Mapu ñi nieel mufüque huaranca tripantu müten. Huelu ti Biblia quimeltuquei ñi deumangeel ti Mapu ca ti callfü huenu petu ñi llitunon feichi cayu antü (Génesis 1:1). Feimu llemai, pu Dunguquelu Ineingen Jehová famentuquelaiñ ti manelfalngelu chi dungu ñi feipiel pu cientifico pengelquelu ti Mapu ñi deumangeel fentren huaranca millon tripantu cuifi mu.

Pu Dunguquelu Ineingen Jehová feyentuquefiyiñ Chau Ngünechen ñi deumafiel ti Mapu, huelu famentuquelaiñ tati ciencia dungu. Iñchiñ feyentuqueiñ ti manelfalngelu chi ciencia ñi nüucülen Biblia tañi quimeltun mu.