“¿Pekefimi kiñe adümuwngechi küdawfe wentru? Pu longko ülmen ñi püñma mew müleay; mülelayay itrotripa chew ñi mülen re pekanke wentru mew.”

Proverbios 22:29

“Tati weñekefulu, weñewekilpe; eluwpe tañi küdawael, tañi küme küdawael kisu tañi kuwü mew, femngechi nieay chem rume tañi eluafiel kütu ti fillaluwkülelu.”

Efesio 4:28

“Kom che müley tañi iyal, ka tañi putual, ka ñi ayüwküleal fente tañi küdawün mu. Fey tüfa Chaw Ngünechen ñi wülkeelchi yewün.”

Eclesiastés 3:13

“Tati ayüniekelu ti ayekan dungu fillalerpuay; tati ayüniekelu ti pulku ka tati aseyte ülmen ngerpulayay.”

Proverbios 21:17

“Tati aretulu konangekey tati wentru ñi areletew.”

Proverbios 22:7

“Fey kiñe che ayüle ñi dewmayael kiñe fütra ruka, ¿wüne anükünuwpelayafuy may ñi nentukuentayael, femngechi tañi kimael tunten pülata mew ñi dewmayafiel ñi ruka? Femngechi dew anümle ñi ruka, fey pepi dewma entuwetunofile, fey ti pu che peeliyew eluway ñi ayentuaetew engün feypin mew: ‘Tüfachi wentru eluwi ñi dewmarukan, welu pepi dewmantulay’.”

Luka 14:28-30

“Fey dew küme wedalu engün, Jesus feypifi tañi pu disipulu: —Trawültufimün tati sofrayechi wükanke kofke, femngechi ñi ngünanoael pichin no rume.”

Juan 6:12

“Mülele piwkeyewün, kiñe rali napor korü doy kümey kiñe motrin kullin mu chew ñi mülen üdewün.”

Proverbios 15:17

“Iñche, ta Jewba, tami Ngünechen, Tami kimeltukeetew eymi tami kümelkaleal, Tami ngüyulkeetew chem rüpü mew tami miyawal.”

Isaías 48:17

“Ayüwün niey tati duamnielu ñi llowael Ngünechen ñi küme dungu, kisu engün ta koneltuley Ngünechen tañi ülmen mülewe mew.”

Matew 5:3

“Piwkeyefinge tami chafche chumngechi piwkeyeniewimi ta eymi.”

Matew 22:39

“Yamafimün ta kakelu che chumngechi ayükeymün tamün yamngeael.”

Luka 6:31

“Doy küme sakinngeay tüfeychi pu che engün tati allkütukelu Ngünechen ñi dungu, ka tati müngeltukelu.”

Luka 11:28

“Che ñi mongen ta kümelkalekelay tañi nien mew müten ta fentren chemkün.”

Luka 12:15

“Fey nieliyiñ taiñ iyael ka nieliyiñ ta takuwün taiñ tukutuwküleael, feymew feley taiñ küme duamküleael.”

1 Timotew 6:8

“Doy kümey ta wülael ta llowün mew.”

Hecho 20:35

“Llükakilnge, iñche am eymi mu mülen. Fill rakiduamkülekilnge, iñche am eymi tami Ngünechen. Iñche ta yafülaeyu, may, iñche ta kelluaeyu; iñche llemay nünieaeyu tañi man kuwü nor dungu mew.”

Isaías 41:10

“¿Iney rume fill rakiduamkülele, doy alüntupeafuy may ñi mongen kiñe ora rewall?”

Matew 6:27

“Feymew fill rakiduamkülekilmün chem ñi rupayal ta wüle, wüle am ka mülealu fill rakiduamkeelchi dungu. Kiduke antü dew nieyelu am wedake dungu.”

Matew 6:34, TNM

“Fey kiñe che ayüle ñi dewmayael kiñe fütra ruka, ¿wüne anükünuwpelayafuy may ñi nentukuentayael, femngechi tañi kimael tunten pülata mew ñi dewmayafiel ñi ruka?”

Luka 14:28

“Kimaymün tamün dulliael tati doy kümechi dungu.”

Filipense 1:10

“Chem mew no rume ta welulekilpe tamün rakiduam itrofill mew kom eymün tamün nieelchi dungu, nütramelkeafimün ta Ngünechen. Ngillatufimün, kelluen piafimün ka femngechi mañumtukeafimün. Fey ta famngechi ta Ngünechen eluaeymünmew kisu tañi küme tüngün, fey tüfachi fütra küme tüngün ta doy kümey che ta pepil-layafuy ñi nieael ta küme tüngün, fey Ngünechen tamün eluetewchi küme tüngün yafülnieñmayaeymünmew tamün piwke ka tamün rakiduam, eymün am kiñewkülelu ta Cristo Jesus mew.”

Filipense 4:6, 7

“Elkünumün Ngünechen mew kom tamün fill rakiduamelnieetewchi dungu, kisu am ta piwkeyenieetew ta eymün.”

1 Pedro 5:7

PU FÜTA/PU CHAW

“Chumngechi ta kiñe wentru piwkeyeniey kisu ñi kuerpu, ka femngechi feley ñi piwkenieael kisu ñi kure. Fey ti piwkeyelu kisu ñi kure, kisutu ta piwkeyewkay müten. Fey iney no rume am üdekenolu kisu ñi kuerpu, welu may ta iltukefi ka poyekefi [...]. Welu kake kiñeke eymün piwkeyepe kisu ñi kure, kisu ñi kuerpu reke.”

Efesio 5:28, 29, 33

“Fey eymün kay pu chaw, wesa dungukelayaymün tamün pu fotüm kam ñawe, welu küme tremümafimün ka kimeltuafimün ñi poyeafiel ta [Jewba].”

Efesio 6:4

PU FÜTANGECHI DOMO

“Fey ti kure kay yamniepe tañi füta itrokom dungu mew.”

Efesio 5:33

“Eymün fütangechi domo, müngeltumün tamün füta, fey tüfachi dungu müley tamün femael tamün feyentulen ta Ñidol mew.”

Kolosense 3:18

PU YALL

“Pu wechekeche, müngeltukeaymün [feyentukeaymün] tamün fütakeche tamün piwkeyekefiel mew ta Ñidol, fey femngechi femkelu am nielu ta nor mongen. Fey tati wünelechi werken dungu ta niey tüfachi tukulpan dungu, fey tüfa tati: “Yamniefinge tami chaw ka tami ñuke, femngechi ta ayüwünngechi mongen nieaymi, ka alüntuay tami mongen ta mapu mew.”

Efesio 6:1-3

“Fey eymün pu fotüm ka pu ñawe, müngeltukeaymün itrokom mew tamün chaw ka tamün ñuke, fey tüfachi dungu am tutekeetew ta Ñidol.”

Kolosense 3:20