RAMTUN 17
¿Chumngechi nieal kiñe ayüwün-ngechi reñma?
PU FÜTA/PU CHAW
“Chumngechi ta kiñe wentru piwkeyeniey kisu ñi kuerpu, ka femngechi feley ñi piwkenieael kisu ñi kure. Fey ti piwkeyelu kisu ñi kure, kisutu ta piwkeyewkay müten. Fey iney no rume am üdekenolu kisu ñi kuerpu, welu may ta iltukefi ka poyekefi [...]. Welu kake kiñeke eymün piwkeyepe kisu ñi kure, kisu ñi kuerpu reke.”
“Fey eymün kay pu chaw, wesa dungukelayaymün tamün pu fotüm kam ñawe, welu küme tremümafimün ka kimeltuafimün ñi poyeafiel ta [Jewba].”
PU FÜTANGECHI DOMO
“Fey ti kure kay yamniepe tañi füta itrokom dungu mew.”
“Eymün fütangechi domo, müngeltumün tamün füta, fey tüfachi dungu müley tamün femael tamün feyentulen ta Ñidol mew.”
PU YALL
“Pu wechekeche, müngeltukeaymün [feyentukeaymün] tamün fütakeche tamün piwkeyekefiel mew ta Ñidol, fey femngechi femkelu am nielu ta nor mongen. Fey tati wünelechi werken dungu ta niey tüfachi tukulpan dungu, fey tüfa tati: “Yamniefinge tami chaw ka tami ñuke, femngechi ta ayüwünngechi mongen nieaymi, ka alüntuay tami mongen ta mapu mew.”
“Fey eymün pu fotüm ka pu ñawe, müngeltukeaymün itrokom mew tamün chaw ka tamün ñuke, fey tüfachi dungu am tutekeetew ta Ñidol.”