Chaw Dio küpa weniyepeymu. Müley kiñe Chaw Dio ngünelelu kom chi che mu, ¿eymi kimkefuymi tañi weniyeafiel? Kuyfi mew, mongelekefuy Abraam pingekefuy, weniyefuy Chaw Dio (Santiaw 2:23). Ka Biblia feypi, mülekefuy che, ayiwkülekefuygün tañi Dio mu, ka niekefuygün alün kümekelu. Fachantü, fentren che kom mapu mülelu weniyepufi Chaw Dio. Eymi kafey femgecheafuymi.

Weniyefilmi Chaw Dio, doy kümey chuchi che rume. Mapu mew ngelay küme weni, koylatuafeymu, ngünenkaafeymu. Welu Dio küme weningey, elkunülafeymu (Salmo 18:25). Weniyefilmi Chaw Dio, doy kümey reke nien mu alün kulliñ, küme ruka, küme mongen. Feychi che latuy yetukelay tañi niekefel, ka che nutukey. Welu weniyeafilmi Dio doy kümey, iney no rume montuñmalafeymu (Matew 6:19).

Kiñeke che elulaymuchi may tami kimal Dio mu. Llükantuleymu tami weni, ka tami reñma mew, ayele eymimew (Matew 10:36, 37). Eymi ramtunge: “¿Iñi am küpa poyepefiñ? ¿Che, kam Chaw Dio?” Rakiduamge, kiñeke ilaaymi pifelmu ¿mupitupeafuymi may? No, inolmi layafuymi. Iyafuymi tami mongeleal. Ka femgechi, eymi doy kimfilmi Dio, kidu eluaymu fütra mongen. Feymu eymi weniyefilmi Dio, ¿chumafuymi eymi? Doy kimafuymi iney ngen Dio (Juan 17:3).

Weniyefimi Chaw Dio chemu rume trürumfalay, doy kümey. Dio kimeltuaeymu chumgechi nieaymi ayüwkuleam ka maneluam; kafey tripangeaymi koyla feyentun ka weda wimtulemün ta kellukelaymu. Ngütramkafilmi Chaw Dio, kidu allkütuñmayaymu. Kidu eluaymu tüngpiwkeleam ka tami manelual Dio mu (Salmo 71:5; 73:28). Eymi müleymi wedake dungu ka kutrankawün mu, Chaw Dio kelluaymu (Salmo 18:18). Kafey, Dio eluaymu tati afnoachi mongen (Romanu 6:23).

Weniyefilmi Dio, fülkonaymi Dio ñi pu weni kafey. Dio ñi pu weni, ka weniyeafimi. Eymi tami mollfüñ, eymi tami piwke reke peafimi. Kidu engün rume ayüwayngün, tami doy kimelelatu Dio mu, küpa kelluaymu ka ayüwkulen eluaymu maneluwün dungu.

Iñchiñ trürlaiñ Dio mu. Kintuafilmi tami weniafiel Dio, müley tami kimal kiñe dungu: weniyenmu ta Dio, weniyen chuchi che rume trürlay. Kidu rume fentren tripantu niey, doy kimi ka doy newen niey. Kidu müten müley taiñ ngünenieatu. Feymu ta küpa weniyeafilmi ta Dio, müley allkütuñmafiel ka femal tami feypinietu. Feyentufilmi, rumel tami doy kümelkaleal (Isaías 48:18).

Weniyeafilmi Chaw Dio, müley tami kimafiel. Tami pu weni, kimiñmaymu tami üy ka üytukeymu, ¿felelay? Ka femgechi Dio ayüniey kimiñmafiel tañi üy ka tami üytuafiel. Chaw Dio ñi üy, Jewba pingey (Salmo 83:18; Matew 6:9). Ka femgechi müley tami kimal tañi ayükel ka ayükenoel, iney ngey tañi pu weni ka iney ngey tañi pu kayñe. Feymu, küme kimafimi ta che, müley ñi fentren antüiñ rupaal, ka femgechi, Biblia feypi küme rakiduam mu, kümey udamal antü taiñ kimafiel Jewba (Efesio 5:15, 16).

Dio ñi pu weni, dewmay tañi ayükel. Eymi nielmi weni wedalkamekefilmi ka wedake dungu mekefilmi ¿weni pineafeymu? Femlaafuy llemay. Fey mu küpa weniyefeliyiñ Dio, müli taiñ femal kidu tañi ayüniel. (Juan 4:24).

Kom poyen Dio yeniel ta che, kellulayñmu weniyafiel Dio. Jesu, doy küme weni Chaw Dio, dunguy epu rüpü müley. Kiñe alü rupay rüpü, apoley che mew, yefi ta che chew tañi apümgeal. Welu kangelu, pichi rupay rüpü, chew koni pichin che, yeniefilu tati afnoachi mongen. Ka feypi, eymi küpa weniyefilmi Chaw Dio, eymi kimafimi chem pi ñi küme dungu ka poyeafimi (Matew 7:13, 14).

Kimafuymi Jewba chillkatuniefilmi ta Biblia. Fütra kuyfi, Dio dulli (ngümintuy) kiñeke wentru tañi wirintukuam tañi rakiduam. Feychi kom wirintukuel, kimfiyiñ Biblia mu. Fachantü kimafuymi Dio chillkatuniefilmi ta Biblia, tüfa am nielu Jewba tañi Dungu, ka femgechi tañi werkün dungu, ka feymu kimgey Dio tañi Dungu. Eymi feyentuafuymi tañi pin Biblia, chumgelu Jewba turpu koylatukelay. “Ngünechen [Dio] ngelay tañi koylatuael”, pi ta Biblia (Ebrew 6:18). Feymu llemay, Dio ñi Dungu niey ta rüf dungu (Juan 17:17).

Biblia ta kiñengey, ta fentren falin wülun taiñ llowmafiel ta Dio. Kiñe chillka wirintukuel kiñe poyechen chaw tañi fotüm reke. Feymu dunguleymu tañi feypikünuel Dio dewmayal ta mapu mu kiñe afmatual mongen müleal, ka dungu mu, kiñe küme rumel mülewe mew. Feypieymu Dio tañi chumün kuyfi, tañi chumekel tüfa, ka tañi chumal küpalechi antü mu tañi pu manelfalchi fotüm mu. Ka kelluaymu chumgechi tripayal taiñ weda dungu mu, ka peal ayüwkülen (2 Timotew 3:16, 17).

Dungukelu iney ngen Jewba weniyefi ta Dio ka feyengün kelluaymu kimal Biblia tañi kimeltun. Müleymi feypiafiel müten, tami ayüniel chillkatual Biblia; eymi kullilaaymi tami kimelgeal (Matew 10:8). Ka femgechi, amuafuymi chew tañi trawüken eyngün tañi poyeafiel Jewba; fey ti ruka feypingey Trawünwe Ruka tati dungukelu iney ngen Jewba. Amulmi ti trawün mu, doy purüm amuay tami kimfiel ta Dio.

Kimafimi ta Dio, rakiduamülmi ñi chemküfkechi tañi dewman. Feypi llemay Biblia: “Dio dewmay wenu ka mapu” (Génesis 1:1). Jewba dewmalu “wenu”, ka dewmay ta Antü. Feymu ¿chem kimeleyiñmu tüfa mu Dio? Jewba tañi nien rume newen, feymu kidu müten ka iñi no rume dewmalaafuy fentren newengen chumgen ta Antü. Ka pengeleleiñmu tunten kimün nien ta Jewba, duamfalu am fentren kimün ta dewmayam Antü, elunieyiñmu ta are antü ka pelon, ka turpu chongkelay.

Kom tañi dewmal ta Jewba pengeleyiñmu taiñ piwkeyetunmu. Rakiduamge chemküfchi fill fün mülen ta mapu mu. Jewba pile, kiñe trokiñ fün müten eluafeyiñmu, kiñe no rume. Welu fentren chemküfchi fün, fill trokiñ, fill ad, ka fill illum elueiñmu. Femgechi pengelelgeyiñ tañi piwkeyetunmu ta Jewba, ta doy ayükey wülal, duamgechey ka küme piwkengey (Salmo 104:24).