Satana, chi Weküfü, doy fütra kayñe ta Dio. Kidu ta kiñe püllü pilay Jewba ñi ngüneatu, pi ta kidu ngünewal. Satana amuley ñi kewatuniefiel ta Dio ka wedake dungu küpalnielfi kom pu che. Satana ta rume weda püllü ngey, koylatufe ka langümchefe (Juan 8:44).

Kakelu pu püllü trawüy Satana engün tañi kidu ngünewal, chaftuniefi ta Dio. Biblia ta pu weküfü (wedake püllü) pieyu. Satana reke, tati pu weküfü kayñeyefi ta pu che, ka ayüniey ñi wedalkaafiel ta che (Matew 9:32, 33; 12:22). Welu Jewba rumel apümafi Satana ka tañi pu weküfü. Feymew, pichin antü niewey tañi wedalkamekeafiel ta che (Apokalipsi 12:12).

Eymi küpa weniyefilmi Dio, ngelay tami femal ta Satana ñi ayüniefel tami femal. Satana ka ñi pu weküfü üdeniefi ta Jewba. Kayñeyefingün Dio ka pilefuyngün eymi tami ka kayñeyeafiel kidu mew. Feymew müley tami dullial (ngümintual) iney tami kümelkayafiel: Satana kam Jewba. Eymi küpa rumel mongelelmi, müley tami dullial femal ta Jewba tañi ayün. Satana ta rume kimi chumgechi fillke ngünenkayafiel ta che. Ka kidu tañi femal, tukulelfi fentren ngünenkan. Femgechi, pey tañi ngünenkanieafiel ta rume fentren che (Apokalipsi 12:9).

Jesukristo ñi fotüm ta Jewba, ka tañi doy pülle weni ka doy piwkeyefiel. Petu ñi mülenon mapu mu mongelen wentru reke, Jesu mülekefuy wenu mapu, kiñe newen küme püllü ngekefuy (Juan 17:5). Feymew, küpay tüfachi Mapu mu, ta kimelelal rüf dungu ta Chaw Dio kom pu che (Juan 18:37). Kafey, wüli ñi che mongen, rulpalladküal iñchiñ taiñ yafkan mu ka taiñ lanoal, amuleal taiñ mongelen kom pu che ñi feyentulelu Dio mu (Romanu 6:23). Dio üytufi Jesu ñi Elfalkünuafiel ngünenieal kom Mapu. Wenu tuwi tañi ngüneneal tüfachi Mapu, fey küme rumel mülewe ngetuay (Apokalipsi 19:16).

Pu werken kümeke püllü kafey weniyeniefi Dio. Pu werken kümeke püllü mapu mu tuwlay engün ñi mongen che reke. Dio dewmafi kidu engün wenu mapu mew, kuyfi mu petu ñi dewmanon tati Mapu (Job 38:4-7). Müley ta rume fentren werken kümeke püllü (Daniel 7:10). Feyti tüfachi Dio ñi pu weni mülelu wenu mapu, küpa kimelfi rüf dungu ta Jewba (Apokalipsi 14:6, 7).

Kafey Dio niey pu weni tüfachi mapu mew; üytukefi ta pu dungukelu Iñche mu. Eymi dalluntukungelmi kiñe koyla dungu mu, tami weni kimnietu inkayafeymu, eymi mu dunguafuy. Kafey, pu dungukelu iney ngen Jewba, dungulkefi ta che Kidu mu ka tañi chumal (Isaías 43:10). Werken kümeke püllü reke, pu dungukelu iney ngen Jewba küpa kelluafimi kimaal rüf dungu ta Jewba. Kidu engün kafey küpa weniyeafimi Dio.

Eymi küpa weniyeafilmi Dio, müley tami femal kidu tañi piel chumgechi tami poyeafiel. Jesu feypi “tati rüf küme poyengelu”, poyeafi Dio “tati rüf dungu mew” (Juan 4:23, 24, NM). Müley kiñe chumgechi poyeafiel ta Dio müten (Efesio 4:4-6). Rüf poyefilmi ta Dio yeaymu afnoachi mongen mu, ka koyla poyefilmi yeaymu tami apümgeal (Matew 7:13, 14).

Eymi küpa kimfulmi chumgechi rüf poyeafiel Dio, müley tami inaduamafiel ti pu che poyefiel Dio pilu. Jewba küme Dio ngelu, ñi rüf poyenietu müley ñi kümeke chengeal engün. Chumgechi kiñe küme anümka, kümeke fün wülkey, kafey rüf küme poyekefilu Dio, kümeke che wülkey (Matew 7:15-20).

Jewba ñi pu weni rume yamniekeyngün ta Biblia. Kimlu engün am Biblia tuwün Dio mu, eluwkeyngün ta tüfa tañi yeneatu ñi mongen, tripayal ñi wedake dungu mu ka kelluaetew doy kimün Dio mu (2 Timotew 3:16). Ka, re dungukelay ñi kümechengeal, ka femkey tañi piel engün ñi mongen mu.

Jewba ñi pu weni welukechi piwkeyewingün. Jesu pengeli ñi piwkeyefiel ta pu che, tañi kimeltufiel Dio mu ka mongelfiel kutrankülechi che. Fey ti pu yenielu rüf küme poyen ta Dios, ka piwkeyefi kom pu che. Jesu reke, fey engün illamkelafi kuñifall (pofre) che ka kake trokiñ che mülelu. Jesu feypi kom pu che kimay iney ngen tañi pu inanietu, chumgechi tañi piwkeyewün engün (Juan 13:35).

Dio ñi pu weni yamkey kidu ñi üy: Jewba. Kiñe che küpa üytukenoelmew, ¿küme rüf weni piafuymi? Femlaafuy llemay. Nieymi kiñe weni, üytukefimi tañi üy, ka küme dungukeymi feymu ka pu che mu. Feymu, ayünielu weniyeafiel Dio müley ñi üytuafiel, feymu ta dungual kake che, kidu mew. Jewba pi taiñ femal (Matew 6:9; Romanu 10:13, 14).

Jesu reke, Dio ñi pu weni kimeltuyngün kom pu che Dio ñi Ngünenietual Mapu. Tati Dio ñi Ngünenietual Mapu, kidu wenu mülelu, ngüneniealu tüfachi Mapu, kiñe küme rumel mülewe ngetualu. Dio ñi pu weni, kimelkeyngün kake pu che tüfachi küme kimelün dungu, tati Dio ñi ngünenietual mapu mew (Matew 24:14).

Tati pu dungukelu iney ngen Jewba newentukeyngün weniyeafiel kidu. Yamniekeyngün Biblia mu ka welukechi piwkeyewingün. Kafey, üytukey ka yamkey Dio tañi üy, ka kimelkefingün kake pu che tati Dio ñi Ngünenietual Mapu mew. Feymew, fachantü pu dungukelu iney ngen Jewba inanieyngün rüf küme poyefiel ta Dio.