Satana feypieiñmu dungun tañi wedalkayal. Küpa weniyeafiliyiñ Dio, müley tañi üdeal Jewba tañi üdekeel (Romanu 12:9). Tüfa kiñeke dungu Dio ñi pu weni müley ñi femnoal:

Yafkan kiñe wentru kiñe domo engu. “Ñiwakilpe wentru engu ta domo.” (Romanu 13:9) Kureyewün domo engu wentru petu ñi niewnon, ka wedalkay (1 Korintio 6:18).

Ngollikawün. “Fey Ngünechen tañi longko ülmenngeelchi mülewe mew koneltulayay [...] ti ngollife no rume” (1 Korintio 6:10).

Langümchen ka entu püñeñün. “Langümchekilnge” (Marku 10:19).

Weñen. “Weñekilnge” (Marku 10:19).

Koyla. Jewba üdey “koyla kewün” (Proverbios 6:17).

Nalfeke che ka ngünefalnochi lladkün. Jewba “üdefi chuchi che rume duamkelu nalün” (Salmo 11:5). Kom mülechi “femün iñchiñ taiñ yafkangechi kuerpu”, müley “newen lladkükawün mu” (Galata 5:19, 20, NM).

Chadün (awkantun plata mu). ‘Feley tamün kiñewkülenoael ta iney engün mew no rume tati peñi pifaluwkelu, fey diñmangelu (küpa niekelu).’ (1 Korintio 5:11.)

Üdewün kake trokiñ fill ad che mülelu. “Piwkeyefimün tamün pu kayñe ka ngillatuñmayafimün tamün malisiakeetew [üngafketew]. Füreneafimün tamün üdekeetew ka ngillatuñmayafimün tamün pu kayñetukeetew ka tamün kutrankakeetew.” (Matew 5:43, 44.)

Dio dungueymu tami kümelkaleam. Kiñeke mu küdawniekay tañi femnoal wedake dungu, welu Jewba ñi kelluñ mu ka ñi pu Dungukelu Iney Ngen kidu mu, eymi femlayafuymi ta Dio tañi ayükenoel (Salmo 121:1, 2; Isaías 48:17; Ebrew 10:24, 25).

Eymi nielmi kiñe weni tami afmatuniel ka yamniel, ayüafuymi tami femal kidu ñi femlu reke. Biblia ta feypi: “Kümey ka norgey Jewba” (Salmo 25:8). Weniyeafilmi Dio, müley tami küme ka norchengeal, Dio reke. Biblia ta feypi: “Müley tamün inayentuniafiel Dio, piwkeyen pu yall reke, ka trekalekaymün poyen rüpü mu” (Efesio 5:1, 2, NM). Peaymi tüfa kiñeke dungu chumgechi inayentuafiel Jewba:

Kellukeafiel kakelu pu che. “Pepi femliyiñ kümeke dungu, femaiñ ta itrokom che mew.” (Galata 6:10.)

Küme küdawfe ngen. “Tati weñekefulu, weñewekilpe; eluwpe tañi küdawael, tañi küme küdawael kisu tañi kuwü mew.” (Efesio 4:28.)

Müley tami lif chengeal ka lif piwkengeal. “Feymew, taiñ ekuniefiel mew ta Ngünechen [Dio], müley rumel taiñ liftuwküleael kom tüfeychi wesake dungu mew taiñ wesalkayafetew taiñ kuerpu mew ka taiñ rakiduam mew.” (2 Korintio 7:1.)

Kümelkanieafimi tami pu reñma piwkeyenienmu ka yamnienmu. “Eymün fütangechi domo, müngeltumün tamün füta [...]. Eymün pu wentru, piwkeyemün tamün kure, ka wesa dungukelayafimün. Fey eymün pu fotüm ka pu ñawe, müngeltukeaymün itrokom mew tamün chaw ka tamün ñuke.” (Kolosense 3:18-20.)

Piwkeyenieafimi kake pu che. “Feley taiñ welukonkechi piwkeyewael, tati piwkeyen am küpalu ta Ngünechen [Dio] mew.” (1 Juan 4:7.)

Feyentuleaymi tati ley dungu, tami tuwün mapu mew chew müleymi. “Itrokom che feley ñi yamnieafiel tati mülechi pu awtoridad [...]. Elufimün ta kake kiñeke tunten tañi koneltuleel mew engün. [...] Ka tati felelu tamün kulliafiel ta impuestu, kullifimün tati impuestu.” (Romanu 13:1, 7.)

Müley tami ngütramkafiel tami weni, kümelkanieael tami weniwen ngen. Allkütufimi, ka kidu allkütueymu. Kafey, küme tukulpakefimi kake che mu. Ka femgechi müley tami femal, ayülmi amüleal tami weniyeniefiel Dio. Ngüneduamge chem pin ta Biblia tami chumal tüfachi dungu mu:

Rumel ngütramkanieafimi Jewba. “Rumel yafüluwkülemün tamün ngillatuleael [ngütramkaleal Dio mu].” (Romanu 12:12.)

Chillkatuaymi Dio ñi Dungu, ta Biblia. ‘Kom tati wirikonkülechi dungu ti Wirin Chillka mew wiringey Dio ñi piel mew, feymew rume kümey ñi kimeltungeael ta che ka ñi ngülamtungeael ti welulkawkülelu, ka norümgeal dungu.’ (2 Timotew 3:16.)

Kimelelfinge kakelu che dew tami kimel Dio mu. “Amumün, kom chüf mapu müleyechi pu che mew. [...] Iñche ñi disipulungeael engün. [...] Ka kimeltuafimün tañi feyentuael engün kom iñche tamün werküwkefiel ta eymün.” (Matew 28:19, 20.)

Tami fülkonal Dio ñi pu weni mu. “Kimche engu miawkelu ka kimchengeay.” (Proverbios 13:20.)

Amuaymi chew ñi trawüken pu Dungukelu iney ngen Jewba. “Kintuaiñ chumngechi taiñ welukonke kelluwael ka taiñ doy piwkeyewael ka taiñ femael kümeke dungu. [...] Taiñ welukonke yafültukuwael.” (Ebrew 10:24, 25.)

Kelluaymi tañi felerpual Dio ñi küdaw fachantü. “Kake kiñeke feley tañi wülael fente tañi rakiduamel ñi piwke mew, welu wesaduamkechi no ka aporiangen mew no rume. Fey Ngünechen [Dio] am piwkeyekefilu tati che ayüwünkechi wülkelu.” (2 Korintio 9:7.)