“Miawiyiñ mupiltun mu, lelin mu no”

Petu ñi wallonmangenon, ka dew ñi apümkangen Jerusalen waria, ti apostol Pablo wirintukufilu tati pu kristiano, Jesu ñi küme soltaw reke feley, müley ñi chaftuafiel wedake dungu, ka doyümnienoal kidutu ñi tutewal ka tañi duamnieelchi illutun (2 Tim. 2:3, 4). Fülkülepalu am ñi rupayal wedake dungu mu kom tüfachi wedake che mülelu Mapu mu, feymu duamnieiñ newen mupiltun taiñ küme pukintunieafiel Ngünechen ñi dungu (2 Kor. 4:18; 5:7). Adkintufinge ti video “Miawiyiñ mupiltun mu, lelin mu no” (amunge jw.org, chew feypiley FILLKE PAPIL > FILLKE VIDEO). Ngüneduamnge chumngechi ti piwkeyefiel kom ti fillem Nadab ka Debora, kiñe wachi reke yeeyew ñi langümaetew. Fey wüla, ngüneduamfinge ti küpalechi ramtun.

1) Ti wünen siglo mu, ¿iney ngey am ta “Ngünechen ñi kayñe ñi fill wesa meken ti ngillatuwe ruka mew”? ¿Ka chem müley ñi femal kom tañi newen mu ti pu kristiano müleyelu Jerusalen mew? (Mat. 24:15, 16.) 2) Tripayal ti waria mu, ¿chumngelu duamniefuy ñi nieal mupiltun? 3) Petu lefmawlu, ¿chem müley ñi femal weñangkütufulu rume? 4) Nadab ka Debora, ¿chumngelu pürüm tripalayngu? (Mat. 24:17, 18.) 5) Raquel petu lefmawlu Jerusalen mu, ¿ka chumngechi kintukaduamngey ñi mupiltun? (Mat. 10:34-37; Mar. 10:29, 30.) 6) Jafet ñi mupiltulen ka maneluwkülen Jewba mu, ¿chumngechi inayentufali? 7) Ti pu kristiano Pela waria mu, ¿chem weda dungu rupayngün? 8) Nadab ka Debora ñi mupiltun, ¿chumngechi ñochikechi ngañwadkülerpuy? 9) Jewba, ¿chumngechi kuñiwtukufi ti pu kristiano mülelu Pela waria mu? (Mat. 6:33; 1 Tim. 6:6-8.) 10) Petu chaftuliyiñ wedake dungu tüfachi afaelchi antü mew, ¿chumngechi pepi inayentuafuiñ Abraham ka Sara mu? (Eb. 11:8-10.) 11) Nadab ka Debora, ¿chumngechi longkontukurpuyngu ñi wiñotual Jerusalen? ¿Ka chumngelu welulkay ñi rakiduam engu? (Luka 21:21.) 12) Wiñotulu Nadab ka Debora Jerusalen waria mu, ¿chumlefuy ti mongen tati waria mu? 13) ¿Chumngelu müley yafültukual taiñ mupiltun fewla, petu ñi akunon ti afaelchi antü? (Luka 17:31, 32; 21:34-36.)

Mupiltun mu miyawün, ¿chem pifel tüfa? 1) Maneluwal Jewba ñi ngüyulmekeetew, 2) eluwal ngüyulmayaetew taiñ trekan, ka 3) pengelal taiñ doy falintufiel Ngünechen ñi dungu ti fillke chemkün mew. Müley taiñ rumel miyawal mupiltun mu, maneluwküleal “tüfachi mapu ka kom wesake dungu ñi nieel apümngetuay, welu tati femkelu Ngünechen ñi ayüelchi dungu, rumel mongen nieay” (1 Juan 2:17).