Tati montulchen ñi duam mu, müley wiñomongetun

Tukulpangekeelchi trawün Jesu ñi lan mu, feychi sakifalngechi antü kellukeeiñmew taiñ rakiduamal kom tati kümeke dungu taiñ nietuael tati montulchen ñi duam mu. Tüfa ta kiñe, tati wiñomongetun. Chaw Jewba turpu ayükelafuy tati pu che ñi layal. Feymu llemay, lalu kiñe piwkeyenieelchi che, doy fütra kutrankawün rupakeiñ (1Ko 15:26). Jesu rume kutrankawi pefiel tañi pu disipulo ñi ngüman Lasaru ñi lan mu (Jn 11:33-35). Jesu tañi Chaw reke femngey, feymu kimiyiñ ta Jewba ka femngechi kutrankawkey ñi peetew taiñ ngüman lalu taiñ piwkeyenieelchi che (Jn 14:7). Chaw Jewba duamtuniey ñi akual feychi antü ñi wiñomongeltuafiel tañi pu manelfalngechi che, ka duamtunieiñ feychi antü ñi akual (Job 14:14, 15).

Chaw Ngünechen ayükey ti küme adkünungeelchi dungu, feymu tati wiñomongetun mu kom küme adkünungeay (1Ko 14:33, 40). Ngewelayay eluwün, welu may fütra ayüwün mületuay taiñ llowal tati pu wiñomongetulu. Lale kiñe tami pu che, ¿rakiduamkepeymi may tüfachi küme maneluwün mu? (2Ko 4:17, 18). ¿Mañumkefimi Chaw Jewba taiñ eluetew ti montulchen? Ka, ¿Biblia taiñ feypikünuetew ñi wiñomongetual tati pu layelu? (Kol 3:15).

• ¿Iney am tami pu che ka weni yem ayüfimi tami wiño petuafiel?

• ¿Chem che Biblia ñi nütramkakeel ayüafuymi tami kimafiel?