9 RAMTUN
¿Müleafuy tañi feyentual ti evolucion mu?
EYMI, ¿CHUMAFUYMI?
Rakiduamnge tüfachi rupan dungu mu: Alejandro kimlay chem ñi feyentual. Kidu feyentuley Ngünechen ñi dewmael itrokom müleyelu. Welu fachantü tañi profesor mekey ñi feypiel ñi rüfngen ti evolucion, fentren pu cientifico küme feypikelu am. Alejandro ayünielay wedwed ñi trokingeal, feymu rakiduamkey: “Fey, tati pu cientifico feypifile ñi rüf rupan ti evolucion, ¿chumngelu ka dungu feypialu iñche?”.
Alejandro reke rupafulmi, ¿feyentuafuymi ñi rüf rupan ti evolucion, ñi feypiel mu tati pu lifru?
¡FELENGE KA RAKIDUAMNGE!
Kiñeke che rakiduamnon mu, feypikeyngün ñi feyentufiel ti evolucion mu kam Ngünechen mu ñi dewmael itrokom ñi mülen. Kimlayngün ñi feypial chumngelu ñi femngechi feyentuken engün.
Kiñeke che feyentutriparpukey Ngünechen ñi dewmael kom tati müleyelu, kimeltungekelu am tüfachi dungu iglesia mew.
Kakelu feyentutriparpukey ti evolucion mu, kimeltungekelu am colegio mew.
KAYU RAMTUN TAMI KÜME NGÜNEDUAMAL
Tati Biblia Ebrew 3:4 feypiley: “Kom ruka müley ñi dewmayaetew ta iney rume, welu Ngünechen dewmay kom tati müleyelu”. ¿Feyentufali tüfachi dungu?
Iney no rume rakiduamlayafuy tüfachi ruka kidutu ñi dewnon, feymu tati pu feyentulu kidutu ñi dewman itrokom müleyelu weda rakiduam nieyngün.
FEYPINGEKEEL: Itrokom müleyelu wefparumey kiñe fütra tropümün mu, Big Bang pingelu.
1. ¿Chem kam iney tropümfi ti Big Bang?
2. ¿Chem doy kümey taiñ feyentual: itrokom müleyelu kidutu ñi dewman kam ñi nien tañi dewmaetew?
FEYPINGEKEEL: Tati pu che tuwi pu kulliñ mu.
3. Pu che tuwfule pu kulliñ mu, kiñe tüfa mono mew, ¿chumngelu doy fütra adümuwkeiñ kidu engün mu?
4. ¿Chumngelu fente afmatufalngey ñi chumngen kiñeke celula, “falin celula” ñi trokingekenon rume?
FEYPINGEKEEL: Rüfngey ti evolucion.
5. Tati femngechi feypikelu, ¿küme inaduamkefingün tüfa?
6. ¿Tunten che feyentukey ti evolucion mu feypingelu am müten “tati pu che adümuwkülelu feyentukey tüfa mu”?
“Rakiduamnge tami trekalen mawida mew, fey perumeymi kiñe küme ruka. Rakiduamlayafuymi: ‘¡Afmatufalngey! Kiñeke fütra anümka wüngkoltripapelayngün, fey kidutu demawi ti ruka’. Iney no rume femngechi rakiduamlayafuy. Feymu, ¿chumngelu feypiafuiñ kom tati müleyelu kidutu ñi dewman?” (Julia).
“Kiñe che feypielmu ñi mülen kiñe trünunün mu, fey tati pintura pachügi ponwi ruka mu, fey wefrumey kiñe küme lifru, ¿feyentuafuymi?” (Gwen).
¿CHUMNGELU FEYENTUAFUN NGÜNECHEN MU?
Tati Biblia yafültukueymu tami “küme inaduamafiel kom dungu” (1 Tesalonisense 5:21). Feymu tami feyentun ngelay ñi tuwal tüfachi dungu mew ñi pengelngeal:
RAKIDUAM: “Rakiduamken ñi mülen kiñe doy fütra newen”.
KAKELU CHE ÑI FEYENTUKEN: “Chew tañi mülen iñche, tati pu che feyentukey Ngünechen mu”.
KAKELU ÑI AYÜKEEL TAMI FEYENTUAL: “Tañi pu chaw tremümenew ñi feyentual Chaw Ngünechen mu, welu iñche dullilafun”.
Yefaluwkilnge kakelu che ñi feyentun mu, doy kümeafuy tami küme kimal chumngelu femngechi tami feyentuken.
“Colegio mew, tati profesor ñi kimeltuel chumngechi ñi küdawken taiñ kuerpu, doy feyentuken ñi rüf mülen ta Chaw Ngünechen. Kom ñi nieel taiñ kuerpu trokiñkülelu, kellukey ñi küme küdawküleal. Kiñeke mu ngüneduamkelaiñ chem ñi rupan ponwi taiñ kuerpu mu. ¡Afmatufalngey!” (Teresa).
“Ñi pefiel kiñe fütra edificio, kiñe farku kam kiñe auto, ramtuwken: ‘¿Iney am dewmay tüfa?’. Kiñe dungu: duamfalngey kiñe adümuwngechi che ñi dewmayal kiñe auto, fentren pichike fillem nielu am, ka kom tüfa müley ñi kiñewküleal ka küme küdawküleal. Feymu ti auto niey ñi dewmaetew, doyelchi may tati pu che niey ñi dewmaetew” (Richard).
“Doy chillkatufiel ti ciencia, doy feyentutripakelan ti evolucion mu. [...] Rakiduamken, doy küdawngey feyentual ti evolucion mu, welu küdawngelay ñi feyentual Chaw Ngünechen ñi dewmael itrokom müleyelu” (Antonio).
RAKIDUAMNGE TÜFACHI DUNGU MU
Tati pu cientifico fentreñma yenieyngün ñi ngüneduamfiel ti evolucion, welu kakerume rakiduam nieyngün ti evolucion mu. Kidu engün doy adümuwkülelu am, welu kiñewkülelay ñi rakiduam engün, feymu ¿chumngelu eymi ramtunoafulu ñi rüfngen tati evolucion?