TAIÑ KRISTIANO MONGEN
Ingkañpeafiyiñ Jewba ñi feypikeel taiñ lif mongen nieal
Chaw Jewba feypikey chumngechi ñi lif mongen yenieal pu che. Kiñe dungu, kidu feypi ti kurewen wentru ka domo ngeal ka turpu ñi wüdanoal (Mt 19:4-6, 9). Ngünechen üdekey fillke pekan kudumuwün eluñmakenolu ñi ley (1Ko 6:9, 10). Kidu feypikefi tañi pu che chumngechi ñi tukutuwküleal, fey ñi trürnoal engün kakelu che mu (Dt 22:5; 1Ti 2:9, 10).
Famülke mu fentren che famentukey Chaw Jewba tañi feypikeel (Rom 1:18-32). Fey eluwkeyngün kakelu che ñi feypiaetew chumngechi ñi femal ka tukutuwküleal. Fentren engün mallmawkey tañi wedake femün mu ka weda dunguyekefi pu küme mongen yenielu (1Pe 4:3, 4).
Dungukelu Iney Ngen Jewba ta iñchiñ, feymu llükanon mu müley taiñ ingkañpeafiel tañi feypikeel Chaw Dios taiñ nieal lif mongen (Rom 12:9). Feymu, yamün mu müley taiñ kimeltual kidu tañi ayükeel, welu kafey müley taiñ nieal kiñe lif mongen. Kiñe dungu, dullifiliyiñ chumngechi taiñ tukutuwal müley taiñ ramtuwal: “Tañi dullielchi weshakelu, ¿pengelkey Jewba tañi ayükeel kam tüfachi Mapu tuwün-ngechi rakiduam niey? Ka, ¿kimfalkey tañi inaniefiel Jewba ñi feypin?”. Kam dulliliyiñ chem adkintual television ka pelikula mu, ramtuwayiñ: “Chaw Jewba, ¿ayükey may tüfachi dungu? ¿Chem rakiduam amultukukey? ¿Ngüchaltukuafenew ñi llowal Jewba ñi ayükenoel? (Sl 101:3.) ¿Weda duamelafuiñ tañi pu che kam kakelu che ñi rakiduam?” (1Ko 10:31-33).
Ingkañpeafiel Chaw Jewba ñi feypikeel taiñ lif mongen nieal, ¿chumngelu falin-ngey? Jesukristo apümkayafilu am pu wedake che (Eze 9:4-7). Pu che femkelu Jewba ñi ayükeel, fey engün müten montuayngün (1Jn 2:15-17). Feymu llemay, ingkañpeafiyiñ Jewba ñi feypikeel taiñ lif mongen nieal, femngechi pu che püramyeafingün ta Chaw Ngünechen pefile taiñ küme femün (1Pe 2:11, 12).
Tañi tukutuwün, ¿pengelkey ñi nien kiñe lif mongen?
PEFINGE TI VIDEO WENIYEFINGE TA JEWBA: KIÑE WENTRU KA KIÑE DOMO, KA WIÑOLDUNGUNGE TI MÜLEYECHI RAMTUN:
Mongeleal chumngechi ñi feypikeel ta Jewba, ¿chumngelu am kimün-ngey?
Pu yall pichikalu rume, ¿chumngelu pu chaw müley ñi kimeltulelafiel Jewba ñi feypikeel taiñ lif mongen nieal?
Wechengeliyiñ kam füchangeliyiñ rume, ¿chumngechi kelluafuiñ pu che ñi kümelkayaetew Chaw Dios ñi piwkeyechen?