Septiembre küyen mu, Ti papel taiñ pepikawam nietuay kiñe we pengelün feypilelu “Kimeltuaiñ ti rüf dungu”. Tüfa kelluaeiñmu ñi kimeltuafiel ta che kiñe rüf dungu adümfalngelu Biblia mu, kiñe ramtun mu ka kiñe versikulo mu.

Ngüneduamliyiñ tati che ñi ayületew tüfa, elelafuiñ kiñe papil kam ñi pengelelafiel kiñe video jw.org mu, femngechi pepikakünuafuiñ ñi wiño pemetuafiel ti che. Pichiñma mu müley ñi wiñotual fey ñi amuleal taiñ nütramkayafiel ta che. Tati we pengelün ka elfal küdaw entungealu tati lifru Tati Biblia ñi rüf kimeltukeel mu. Afchi chillkatun mu ti wichulechi dungu Biblia tañi kimeltukeel peafuiñ ka kakelu texto, tüfa kellukeeiñmew wiño pemetuafiel ta che ka ñi chillkatuafiel re texto Biblia mu müten.

Kiñe rüpü müten müley taiñ yeaetew ñi rumel mongeleal (Mt 7:13, 14). Kake feyentun ka tuwün nielu am tati pu che taiñ nütramkakefiel, müley ñi küme pengelelafiel ta Biblia ñi rüf dungu, femngechi ñi ayüwülelafiel engün (1Ti 2:4). Amulele taiñ adümfiel fillke dungu Biblia mu ka doy küme küdawülfiliyiñ tati rüfngechi “kimelün dungu”, doy ayüwküleaiñ ka doy küme tripayay taiñ kimeltuafiel kakelu pu che tati rüf dungu (2Ti 2:15).

Wall Mapu mu tati che duamniey ñi yafülduamngeal (Ec 4:1). Septiembre küyen mu, newen mu eluwaiñ ñi elelafiel pu che ti chillka La Atalaya num. 5 tüfa nütramkayay ti yafülduam mu. Newenküleafuiñ taiñ eluafiel fentren che. Welu, ayükelu am taiñ nütramkayafiel tati pu che femngechi ñi yafülduamafiel, feymu elkünulayafiyiñ taiñ chillka tati ruka mülenochi che.

CHUMNGECHI PENGELAFUIÑ

“Kiñeke rupa taiñ mongen mu, kom iñchiñ duamnieiñ taiñ yafülduamngeal, welu ¿chem yafülduamafeiñmew? [Papeltunge 2 Korintio 1:3, 4] Tüfachi chillka La Atalaya pengeli chumngechi yafülduamkeeiñmew Chaw Ngünechen”.

Ayüle tati che ka llowle ti chillka:

PENGELFINGE TI VIDEO ¿CHUMNGELU AM MÜLEY TAMI CHILLKATUAL TA BIBLIA?

‘¿Ayüafuymi chillkatual Biblia?’ piafuymi.

AMULKÜNUAYMI KIÑE NÜTRAM TAMI WIÑOTUAL

Feypiafuymi kiñe ramtun tami wiñoldungual wiño pemetufilmi, ramtuafuymi chi, “¿Chumngelu Chaw Ngünechen eluñmakey ñi müleal kutrankawün?.”