QUIMELTUN 53
Tami cüme rupan mu ayühulfinge ta Jehová
“Taiñ ayühun-ngechi Chau Ngünechen” Jehová, ayüquei taiñ ayüucüleal ca taiñ cüme rupayal taiñ mongen mu (1 Timoteo 1:11). Ca femngechi Jehová ayüquei taiñ elcünual tiempo taiñ cansatual. Fei cüme rupan mu iñchiñ, ¿chem chumafuiñ taiñ ayühulafiel ta Jehová? Tüfachi quimeltun meu inaduamafiyiñ fillque ngülam taiñ quelluaeteu.
1. Taiñ cüme rupaleal, ¿chem quelluafeiñmu?
Eimi, ¿chumqueimi chi tami cüme rupayal? Quiñeque che tañi cansatual papeltuquei lifru, allcütuquei musica, pequeingün pelicula cam conqueingün internet meu. Caquelu che ñi ürcütual cañpüle amuqueingün, pelotatuqueingün, paliqueingün ca challhuaqueingün. Chem dulliliyiñ rume taiñ cüme rupayal, raquiduamtucunieafiyiñ “chem ñi ayünieel ta Ñidol” (Efesios 5:10). Famülque meu fentren che dulliquei huesaque dungu tañi cüme rupayal. Pequeingün cam allcütuqueingün fillque dungu nüucülelu pu huesaque püllü meu, pod cudumuhun dungu mu cam quehuatun dungu meu. Feimu cuñiutucuhuaiñ taiñ ayühulafiel ta Jehová cüme rupan mu iñchiñ (papeltuaimi Salmo 11:5). ¿Chem quelluafeiñmu taiñ cüme dullial?
Taiñ pu hueni piuqueyefile ta Jehová, quelluaiñmu taiñ doi fülmanieafiel ta Ngünechen ca taiñ cüme dullial chem dungu mu taiñ cüme rupaquen. Chumngechi quimürpuiñ ti quimeltun 48 mu, tati quimche engu miyauquelu ca quimchengeai. Huelu pu miyauquelu feiti pu che poyequenofilu ta Jehová, huesa triparpuai (Proverbios 13:20).
2. Cüme rupan mu iñchiñ, ¿chumngelu duamfali taiñ cüme ngüneniehual?
Cüme dulliliyiñ rume chem dungu mu taiñ cüme rupayal, ca eluucüleaiñ taiñ cüme adcünual taiñ tiempo femngechi ñi rume alüñmanoal. Cuñiutucuunoliyiñ, doyümnieafuiñ taiñ cüme rupayal müten ca quiñepülecünuafuiñ tati doi falinque dungu. Feimu Biblia ngülamtuquei “ngünamcaquelayaimün tamün tiempo” (papeltunge Efesios 5:15, 16).
DOI QUIMAIMI
Ngüneduamaiñ chumngechi cüme dulliafuiñ chem dungu meu cüme rupaleal.
3. Dullilayaimi huesaque dungu tami cüme rupaleal
¿Chumngelu duamfali taiñ cüme dullial chem dungu meu cüme rupayaiñ? Peaiñ ti VIDEO, ca ngüneduamaiñ tüfachi epu ramtun:
Pu quehuatuquefulu Roma cuifi mu, ¿chem dungu meu trürümfalngeafui quiñeque videojuego fachantü mu?
Daniel, ¿chem dungu quimürpui tañi femün meu?
Papeltuaiñ Romanos 12:9, ca ngüneduamaiñ tüfachi ramtun:
Tüfachi troquiñ Biblia, ¿chumngechi quelluafeimu cüme dullial chem dungu meu tami cüme rupayal?
¿Chem dungu chi üdequei Jehová? Papeltuaiñ Proverbios 6:16, 17 ca Gálatas 5:19-21, fei ngüneduamaiñ tüfachi ramtun:
Feichi huesaque dungu ñi feipingeel tüfachi troquiñ Biblia meu, ¿chuchi am doi nüucülei fillque dungu ñi femngequeel cüme rupayal fachantü?
¿Chumngechi cüme dulliafuimi tami cüme rupaleal?
Ramtuunge:
¿Chem dungu conquei tañi cüme rupaquen mu? ¿Nüucülepei mai quiñeque dungu ñi üdequeel Jehová?
¿Chumül feman? ¿Quiñepülecünuafiñ caquelu falinque dungu tañi cüme rupayal?
¿Inei engün am conai? ¿Rume alüñmayan feichi pu che mu poyequenofilu ta Jehová?
Taiñ rupanoal huesaque dungu meu, mülei taiñ quiñepülecünuafiel chem cuñihun-ngechi dungu rume. Fei ca femngechi famentuafiyiñ chem dungu rume taiñ huesalcayaeteu.
4. Cüme adcünuaimi tami tiempo
Peaiñ ti VIDEO, ca ngüneduamaiñ tüfachi ramtun:
Ti hueche huentru huesa femmequenofulu rume, ¿chumngechi huesalcaeyu ñi huesa pünefiel tañi tiempo?
Papeltuaiñ Filipenses 1:10, ca ngüneduamaiñ tüfachi ramtun:
Tüfachi troquiñ Biblia, ¿chumngechi quelluafeimu tami quimal tunten tiempo elcünuaimi tami cüme rupayal?
5. Dullinge cümeque dungu tami cüme rupayal
Mülei quiñeque dungu ñi ayüquenofiel ta Jehová, huelu cafei mülei fentren dungu taiñ ayühulafeteu. Papeltuaiñ Eclesiastés 8:15 ca Filipenses 4:8, fei ngüneduamaiñ tüfachi ramtun:
¿Chem cümeque dungu mu cüme rupaqueimi?
Fillque cümeque dungu femafuiñ taiñ cüme rupaleal.
QUIÑEQUE CHE FEIPIAFEIMU: “Iñche cüme rupayafun fillque dungu mu nüucülelu huesaque püllü meu, quehuatun dungu mu cam pod cudumuhun dungu meu. Fei tüfa re aucantun müten tati”.
¿Chem piafuimi?
TAMI QUIMEL
Jehová ayüquei taiñ ayüucüleal, feimu ca ayüquei taiñ cüme rupaleal.
¿Chem piafuimi?
Taiñ cristianongen meu, ¿chem dungu mu conquelaiñ taiñ cüme rupaleal?
¿Chumngelu cuñiutucuucüleaiñ taiñ quimal tunten tiempo elcünuaiñ taiñ cüme rupayal?
¿Chumngelu eluhuaimi tami cüme rupayal feichi dungu mu ñi ayüqueel ta Jehová?
CA PEAFUIMI
¿Inei dulliafui chem dungu meu cüme rupayafuimi?
Inaduamnge chem quelluafeimu tami cüme dullial chem dungu mu cüme rupayaimi.
“¿Cümepei mai chem tami dulliel tami cüme rupaleal?” (Ti Huerquen 15 octubre, 2011)
Pefinge ti nütram feipilu “Üdechehuelan”, tami quimal chumngelu quiñe huentru cacünui chem tañi dulliel tañi cüme rupaleal.
“Ti Biblia cüme elcünutueyu ñi mongen” (Ti Huerquen 1 febrero, 2010)
Pefinge chumngelu quiñe ñuque eluulai tañi adngelluunoal feichi dungu mu nüucülelu pu huesaque püllü mu.
Adngelluulayaimi fillque dungu mu nüucülelu pu huesaque püllü meu (2:02)