TAIÑ CRISTIANO MONGEN
¿Chumqueiñ iñchiñ ñi cüme acordaniengeal pu testigo?
Pu che ngüneduamquei chem chumquen pu testigo (1Co 4:9). Feimu ramtuhuafuiñ: “Chumngechi tañi dunguquen ca tañi femquen, ¿püramyequefi ta Jehová?” (1Pe 2:12). Pu testigo cüme acordangequeingün femquelu cümeque dungu cai, feimu femlayaiñ chem no rume ñi huesa dunguyengenoal pu testigo (Ec 10:1).
Feula, ngüneduamaimi quiñeque dungu tami rupayafel. Feimu huirintucuaimi chem tami femafel ca chem texto quelluafeimu:
Quiñe che testigongenolu huesa feipiafeimu.
Tami tacun, auto cam tami ruca müte cümelcalelai.
Tami lof mu, ti gobierno entui quiñe ley dungu. Huelu eimi ayülafimi ca cüdautuimi tami inayafiel.
Ti Troquiñche Adcünuquelu ñi Huirintucungeal Fillque Papel huercüquefi quiñeque peñi ca lamngen ñi inaduamafiel quiñeque dungu, femngechi ñi huesa dunguyengenoal Jehová ñi troquiñche. Peafiyiñ ñi femquen engün.
PEFINGE TI VIDEO IÑCHIÑ YAMQUEFIYIÑ CA FALINTUQUEFIYIÑ TI RÜF DUNGU, CA HUIÑOLDUNGUNGE TI RAMTUN:
Pu peñi ca pu lamngen rume cüdauqueingün ñi inaduamafiel informacion, femngechi ñi cüme huirintucungeal taiñ publicacion mu. ¿Chem pimi cai tüfachi dungu mu cai?