¿Inei am elcünufi pu Dunguquelu Ineingen Jehová ñi cüdau?

Dunguquelu Ineingen Jehová ñi cüdau llitui epe afchi siglo mari ailla mu. Feichi tripantu mu, quiñe pichi troquiñ chillcatuquelu Biblia pingelu Pittsburgh mapu mu (Pensilvania, Estados Unidos) eluhui ñi adcünuhual ñi chillcatun Biblia ca inaduamfingün tati pu religion ta Biblia ñi quimeltuqueel engu. Fei hula amuldunguingün ñi quimürpuel. Fei deumaingün lifru, huldunguingün tati periodico mu ca deumaingün tati chillca La Atalaya. Anunciando el Reino de Jehová pingelu.

Charles Taze Russell fei ta quiñe huentru coneltuquefulu tati pu chillcatuquelu Biblia mu. Feichi antü mu, Russell quelluquefulu rume ñi deumangeal ti chillca La Atalaya ca adcünui ti quimeltun Biblia mu, huelu elcünulai quiñe hue religion. Charles Russell ca caquelu chillcatuquelu Biblia inaquefuingün quiñe dungu müten, amuldungual Jesús ñi quimeltun ca ñi inanieal tati pu cristiano ñi femün hunen siglo mu. Jesús elcünulu am tati pu cristiano ñi müleal, ca femngechi quimtucuqueiñ taiñ elcünueteu iñchiñ (Colosenses 1:18-20).