¿Cümepei mai ñi llellipuafiel pu santo?

Biblia ñi quimeltuqueel

Tati Biblia quimeltuquelai ñi llellipungeal pu santo. Huelu mai mülei taiñ llellipuafiel ta Ngünechen, Jesús ñi üi meu. Quiñe rupa Jesús feipifi tañi pu discipulo: “Eimün ta femngechi ngillatuaimün: Taiñ Chau Ngünechen huenu mapu mülelu, yamniengepe tami üi” (Mateo 6:9). Jesús quimeltuquei ñi llellipungeal ta Ngünechen müten, huelu femlayaiñ pu santo ca quiñe cüme püllü no rume.

Jesús ca feipi: “Iñche ta rüpü reque felen, ca rüfngechi dungu ca mongen, iñche meu pepi puhun-ngei ta Chau meu. Iñche meu müten” (Juan 14:6). Feimu Jesús müten niei ti pepiluhun ñi ngillatuñmayafiel ta Ngünechen iñchiñ mu (Hebreos 7:25).

¿Llellipuafuiñ ta Ngünechen ca tati pu santo?

Quiñe rupa mu tati Huecüfü quintucaduamfilu ta Jesús, fei feipieyu: “Püramyeafimi ngillatun meu ca poyeafimi tami Ñidol Ngünechen müten” (Mateo 4:10). Tati ngillatun mu püramyefiyiñ ta Chau Dios, feimu Ngünechen ayüquei tati pu che ñi poyeaeteu quisu müten (Isaías 48:11).

Llellipufiliyiñ tati pu santo cam quiñe cüme püllü, huesa duamelafiyiñ ta Chau Ngünechen. Ti lifru Apocalipsis pengeli ti apostol Juan lucunaglu ñi poyeafiel quiñe cüme püllü, tüfa feipieyu: “Femngechi femquilnge, iñche ca femngechi poyequefiñ ta Ngünechen, eimi reque ca tami pu peñi ca lamngen reque tati cüme inanielu Jesús tañi dungu. Püramyefinge ta Ngünechen” (Apocalipsis 19:10).