¿Quelluafeiñmu ta Biblia taiñ fütra hueñancülenoal?

Biblia ñi quimeltuqueel

Felei tati, müna quelluqueiñmu ta “Ngünechen yafülquefilu tati ngañhuadcülelu” (2 Corintios 7:6).

Chau Ngünechen, ¿chumngechi quelluquefi pu hueñancülelu?

• Yafültucuquefi. Chau Dios, ¿chumngechi yafültucuquefi pu hueñancülelu? Aflayai com tami huesa rupamequen, huelu ngillatulmi tami quelluaeteu Ngünechen, fei nehuentuaimu llemai (Filipenses 4:13). Rüf maneluhuafuimi Chau Ngünechen mu ñi eluucülen tami allcütueteu, Biblia feipi: “Jehová fülmaniequefi com pu hueñancülelu; ca montulquefi com pu huesa duamcülelu” (Salmo 34:18). Doyelchi mai, Chau Ngünechen allcütuafui tami ngillatuquen tami quelluaeteu quimnolmi rume chumngechi tami feipiafiel ñi duamcülen (Romanos 8:26, 27).

• Cümeque inayentufalchi che Biblia mu. Quiñe huentru huirintuculu Biblia ngillatufi ta Ngünechen: “Tati rume alü conlu mu iñche ngillatueyu”. Tüfachi huentru fütra hueñancülefui, huelu yafüluhui raquiduamlu taiñ Fütra Chau ñi cüpa ngoimanentual taiñ culpan. Ca femngechi quisu feipifi ta Ngünechen: “Eimi ngüneduamniefulmi tati huelulcan, ahuem Jah, ¿inei am norngelu troquingeafui tami adquiñ mu, ahuem Jehová? Eimi rüf huiñoduamtuchequeimi, femngechi tami ecungeal” (Salmo 130:1, 3, 4).

• Maneluhun. Chau Dios yafültucuqueiñmu famülque mu, huelu ca femngechi feipicünui ñi apümafiel fill cutrancahun ca hueñancün dungu. Femtripale tañi feipicünuelchi dungu, “tati cuifique rupan dungu [fütra hueñancün cütu] ngoimacünungeai, ca piuquentucungelayai rume” (Isaías 65:17).

Dungu: Pu Dunguquelu Inei Ngen Jehová maneluuqueiñ taiñ quelluqueteu Chau Ngünechen, huelu eluuqueiñ taiñ lahuentuñmangeal nieliyiñ huesaque cutran ca fütra hueñancüleliyiñ, tüfa ta depresion (Marcos 2:17). Huelu feipiquelafiyiñ pu che chumngechi ñi lahuentuñmangeal, quisuque engün mülei ñi dullial chem chumal.