Pu papeltuquelu ñi ramtuqueel

¿Chem pifui Pablo feipilu “choyüngen reque petu ñi puunon ti antü”? (1 Corintios 15:8).

Pablo feipi 1 Corintios 15:8 mu: “Af meu iñche mu peufaluhui, femngechi choyüngen reque petu ñi puunon ti antü”. Cuifi mu feipingequefui feitachi texto mu Pablo nütrami quiñe rupa ñi pengelelngeel quiñe vision mu ta Jesús huenu mu. Feimu Pablo ñi pefiel mu ta Jesús, quisu choyüngelu cam huiñomongetulu huenu mu troquihui petu ñi huiñomongetunon ta che huenu mu. Huelu doi cüme papeltufilu iñchiñ, doi cüme entenderpufiyiñ ñi feipin tüfachi versiculo.

Pablo nütramcalu ñi feipin tüfachi texto raquiduamquefui feichi antü ñi cristianongerpun. Huelu ¿chem pifui Pablo feipilu “choyüngen reque petu ñi puunon ti antü”? Peafiyiñ.

Pablo raquiduamquelafui rume tañi cristianongerpual. Iñchiñ raquiduamquelafuiñ rume quiñe pichiche ñi choyüngeal petu tañi acunon ti antü. Ca femngechi dungu mu reque rupai Pablo. Petu ñi cristianongenon, Pablo amulefui rüpü mu Damasco huaria ñi inacayafiel pu cristiano. Huelu petu ñi puunon üyeu peufaluurumeeyu ta Jesús. Quisu raquiduamlafui rume, feimu afmatuleyu. Ca femngechi afmatulehuei pu cristiano mülelu Damasco huaria mu. Fente ñi afmatulehuen ta Pablo, mufü antü mu pelohuelai (Hech. 9:1-9, 17-19).

Pablo cristianongerpui petu ñi puunon ti antü. Tati Biblia de Jerusalén mu famngechi rulpadungungei feitachi texto: “Choyüngen inei no rume esperaniequelafeneu”. Pablo cristianongerpulu, Jesús deu mülehuepui huenu mu. Pablo feipi Jesús petu ñi amutunon huenu mu, peufaluufi fentrenque che. Huelu Jesús peufaluulafi ta Pablo (1 Cor. 15:4-8). Rupalu ta antü, Pablo pengelelngei ta Jesús quiñe vision mu, feimu petu ñi puunon ti antü Pablo pefi ta Jesús huiñomongetulu.

Pablo ñom piuque meu nütramcafui quisu mu. Quiñeque quimche feipiquei Pablo feipilu tüfa, quisutu üñfiluhui. Rüfngefule ñi feipin pu quimche, feimu Pablo falintuulafui tañi apostol pingeal. Doi mai Pablo feipi: “Com pu apostol mu, iñche tati doi falinolu. Iñche inantucufiñ Chau Dios ñi trahunche, feimu apostol pingelayafun. Huelu Chau Ngünechen rume cutranpiuqueyeneu, feimu apostolngen” (1 Cor. 15:9, 10).

Feimu ¿chem pifui Pablo feipilu: “Choyüngen reque petu ñi puunon ti antü”? Quiñe, ¿fei ta feipipelai peufaluurumeeteu ta Jesús? Epu, cam feipi chi feichi antü ñi cristianongerpun. Ca cüla, Pablo falintuulai chi tañi apostol pingeal. Chuchingefule rume tañi raquiduam ta Pablo, quisu mu rume falin-ngefui tañi peufaluhueteu ta Jesús. Cüme quimfalcünuleleyu tañi huiñomongetun ta Jesús, feimu Pablo müchaique nütramcaquefui Jesús ñi huiñomongetun mu (Hech. 22:6-11; 26:13-18).