ÜLCANTUN 134
Pu yall, Chau Ngünechen mu cüpalu
(Salmo 127:3-5)
1. “Deu llouli quiñe pichiche
fei elfaleneu tañi Huenu Chau.
Cüme adyenieafiñ ñi piuque,
falintuafiñ tañi pu yall”.
Chau Ngünechen elunieiñmu com:
taiñ mongen ca ti piuqueyechen.
Com ti ngülam hulquelu Chau Dios,
adniequefi pu chau ca ñuque.
(HUIÑO ÜLCANTUAL)
Tami pu yall falintuaimi mai,
cüpalu cai Huenu Chau mu.
Adniefinge fei ñi rüpü mu,
eluafimi falin quellu.
2. Com pu chau nieaimün piuque mu
Chau Jehová tañi huercüelchi dungu.
Inafilmün tamün mongen mu,
tamün pu yall ca femaingün.
Feimu amulelmün rüpü mu,
nütramcamün Jehová tañi piel mu.
Fei lloufile tañi piuque mu,
coneltuaingün ti hue Mapu mu.
(HUIÑO ÜLCANTUAL)
Tami pu yall falintuaimi mai,
cüpalu cai Huenu Chau mu.
Adniefinge fei ñi rüpü mu,
eluafimi falin quellu.
(Cafei papeltuafuimi Deut. 6:6, 7; Efes. 6:4; 1 Tim. 4:16).