Nehemías

2 Feichi mu, quiñe tañi peñi Hananí acui caquelu huentru engün tuulu Judá mapu mu. Ramtufiñ engün ñi chumlen pu judio che tripatulu tañi presungen mu, ca ñi chumlen Jerusalén huaria. 3 Quisu engün huiñoldungui: “Pu che mülehuelu feichi lof mu, mongetripalu ñi püresulen mu engün, quiñe rume huesa dungu mu ca illamca dungu mülei engün. Jerusalén ñi cura malal teifücalei, ca com tañi puerta lüpümcangei”. 4 Allcüfilu iñche, fei anücünuhun ca ngümacahun. Quiñeque antü layeluulu reque felen. Ngüñüluhun ca llellipulen Huenu Chau Dios mu. 5 Iñche feipin: “Ahuem Jehová, eimi huenu mu mülelu, Fütra Chau Ngünechen doicüleimi, eimi com femquelu tami feipicunuel ca pengelquefilu nor piuque tami pu piuqueyeeteu ca feyentuquelu tami huercun dungu,