Eclesiastés

4 [...] Tati Mapu rumel mülecayai. 5 Tripaquei ti antü ca conputuquei; fei ca huiñotuquei ñi tripatual. 7 Com tati leufü fütra lafquen mu puuquei, huelu ti fütra lafquen apoquelai. Cheu ñi tripaquen ti leufü, ca huiñotuquei fei meu ca ñi tripatual. 15 Ti huichürcülelu pepi norümngelayafui, ti faltalelu pepi raquingelayafui. 16 Fei tañi piuque mu feipin: “Tüfei, rume nierpun ta quimün. Chem che no rume mülequefulu Jerusalen mu fente quimchengelai iñche reque. Fei tañi piuque mu rume nierpun adümuhun ca quimün”. 17 Eluhun ñi ngüneduamafiel ti quimün, ti huedhuedcahun ca ti pecan dungu, ca com tüfa ngünam femngequei, inantucuyahulngeal cürüf reque felei. 18 Fentren quimün cüpalquei huesa duamnagün, fei cüpa nielu fentren quimün ca nieai fentren cutrantun.