Ageo

2 “Tüfa ñi feipiel Jehová, tati ñidolcülelu pu hueichafe mu: ‘Tüfachi pu che feipi: “Petu puulai ñi deumangeal Jehová tañi ruca”’”. 3 Jehová ca huercüfi ta Ageo, fei feipi: 4 “Tüfachi ruca teifücalei, huelu eimün ¿cüme adngechi ruca meu mülerqueaimün? 5 Tüfa ñi feipin Jehová, tati ñidolcülelu pu hueichafe mu: ‘Cüme raquiduamaimün tamün femquen. 6 Fentren nganqueimün, huelu pichi cosechaqueimün. Iqueimün, huelu tuduamquelaimün. Pütocoqueimün, huelu tuhuihuquelaimün. Tucuuqueimün, huelu eñumquelaimün. Ca tati cüdaufe huechod carpa mu tucuquei ñi huehuelchi plata’”. 7 “Tüfa ñi feipin Jehová, tati ñidolcülelu pu hueichafe mu: ‘Cüme raquiduamaimün tamün femquen’. 8 ‘Huincul mu huechumün, yeaimün trafla. Fei deumayaimün iñche tañi ruca, femngechi ayühuan ca püramyengean’ pi Jehová”. 9 “‘“Fentren elungeaiñ” pilefuimün, huelu pichin llohuimün. Fei puhul-lu tamün ruca meu, iñche apümcafiñ. ¿Chumngelu cai?’, feipi Jehová tati ñidolcülelu pu hueichafe mu. ‘Adelcamequeimün tamün ruca, huelu tañi ruca teifücalei. 10 Feimu huenu mu nagpalai ilhuen ca ti mapu hul-lai ñi fün. 11 Ancüfiñ tamün mapu ca huincul, feimu ngehuelai quetran, pulcu, aceite ca anümca. Eimün ca tamün pu culliñ cutrancaucüleimün, cafei ngünam cüdaumequeimün’”.