Zacarías
3 Feipifinge: ‘Tüfa ñi feipiel ta Jehová Ñidolcülelu pu hueichafe mu: “‘Huiñotumün iñche mu’, feipi Jehová Ñidolcülelu pu hueichafe mu, ‘fei iñche huiñotuan eimün mu’”, feipi Jehová Ñidolcülelu pu hueichafe mu’. 4 “‘Femquilmün tamün pu chau reque, quisu engün feipieyu pu cuifique pelon huentru: “Tüfa ñi feipiel ta Jehová Ñidolcülelu pu hueichafe mu: ‘Fürenemun, inahuequilmün tamün huesaque rüpü ca tamün huesaque femquen’”. “‘Huelu quisu engün allcütulaingün ca duamtulaeneu engün’, feipi Jehová”. 12 Fei Jehová ñi cüme püllü ramtui: “Ahuem Jehová, ñidolcülelu pu hueichafe mu, ¿tunteñma cutranpiuqueyelayafimi ta Jerusalén ca Judá mu mülechi huaria? Deu illcutuniefimi 70 tripantu”. 13 Fei cüme yafüluhun dungu meu, Jehová nütramcafi ti cüme püllü dungumequelu iñche engu. 14 Fei ti cüme püllü dungumequelu iñche engu feipieneu: “Huldungunge: ‘Jehová, ñidolcülelu pu hueichafe mu, feipi: “Rüf eluucülen ñi incayafiel Jerusalén ca Sion. 15 Fütra illcutuniefiñ ti pu troquiñche cüme felelu. Ella illculelu iñche, doi amultucuingün ti cutrancahun”’. 16 Tüfa ñi feipin Jehová: ‘“Huiño cutranpiuqueyeafiñ ta Jerusalén, üyeu deumangeai tañi ruca”, feipi Jehová ñidolcülelu pu hueichafe mu, “medingeai Jerusalén, tañi huiño deumangetual”’.