RAMTUN 10
Ti küpalechi antü mew, ¿chem maneluwün elukeeiñmew ti Biblia?
“Tati pu norngechi che lloway ti Mapu ñi ngen-ngeal engün, ka rumel müleayngün fey mu.”
Salmo 37:29
“Tati Mapu rumel mülekayay.”
Eclesiastés 1:4
“Kidu lümüafi reke tati lan dungu, ka Ñidol Ngünechen Jewba liftuñmayafi engün tañi külleñu ñi ange mew.”
“Feychi antü mew pu trawma tañi nge pelotuay, tati pu pilu ngelu allkütuay engün. Feychi antü mew tati kuntrongelu wemul reke ringküyaway, ka tati ketro wirarpüramay ñi ayüwün mu. Wellin lelfün mew wefpayay ko, ka witrunko müleay tati wellin mapu mu.”
“Angkümüñmangetuay engün tañi külleñu, fey ngewelayay ta lan, ngüman no rume, eyütun no rume, kutrantun no rume. Itrokom tati mülekefulu am ta kuyfi dew ta mülewetunolu.”
“Dewmarukayayngün, ka fey mu müleayngün, anümayngün ofad ka iñmuayngün ñi fün. Dewmarukalayayngün ka che ñi müleam, ka anümlayayngün kakelu ñi iñmual. Kiñe fütra anümka reke fentren tripantu nielu, femngechi tañi pu che fentren tripantu nierpuay, ka tañi dullinche ayüwayngün ñi dewmael kidu ñi kuwü mu.”