Watchtower INTERNET MÜLEYECHI LIFRU
Watchtower
INTERNET MÜLEYECHI LIFRU
mapudungun
ü
  • ñ
  • Ñ
  • ü
  • Ü
  • BIBLIA
  • FILLQUE PUBLICACION
  • FILLQUE TRAHUN
  • lv pag. 251-pag. 253 parr. 3
  • ¿Chem feypiley ti Biblia tati püntüwün mu ka ti wüdawün mu ti kurewen?

Ngelai video tüfachi troquiñ meu.

Müna huesa, pepi pengelngelai ti video.

  • ¿Chem feypiley ti Biblia tati püntüwün mu ka ti wüdawün mu ti kurewen?
  • “Rumel mülemün ta Ngünechen ñi piwkeyechen mew”
  • Ca femngechi dungu
  • Yamnieafimi “Ngünechen tañi trapümel”
    Ti Werken Kimeldungumekey Jewba ñi Ngünenien (ñi chillkatungeal) 2018
  • Pu papeltuquelu ñi ramtuqueel
    Ti Huerquen Quimeltumequei Chau Jehová ñi Gobierno (ñi chillcatungeal) 2022
“Rumel mülemün ta Ngünechen ñi piwkeyechen mew”
lv pag. 251-pag. 253 parr. 3

DOY KIMNGEAM

¿Chem feypiley ti Biblia tati püntüwün mu ka ti wüdawün mu ti kurewen?

Jewba ayükey tati pu kurewen ñi femürpual tañi feypikünuel feychi antü ñi niewün. Feymu Jewba trapümfilu tati wünen kurewen, feypi: ‘Feymew ta wentru [...] tañi trawüael ñi domo engu, fey mür kiñe che reke müten ñi feleael’. Ka fentren warangka tripantu rupalu, Jesus ka feychi dungu pengeli, ka feypi: “Feymew ngelay iney rume ñi wüdamentuael Ngünechen ñi trapümel” (Génesis 2:24; Matew 19:3-6). Feymew llemay, Jewba ka Jesus rakiduamkeyngu tati kurewen ñi kiñewal kom ti mongen mu, ka fentepuwkey lale ñi afkadi (1 Korintio 7:39). Rume yamfalngelu am ti kurewen dungu, ngelay taiñ pekanka rakiduamal ñi wüdawal tati kurewen. Jewba üdekey ñi wüdawün mu tati kurewen ti dungu mew eluñmakenolu ti Biblia (Malaquías 2:15, 16).

Biblia ñi feypilen mu, ¿chem dungu mew müten wüdawafuy kiñe kurewen ley dungu mew? Jewba üdekey tati ñiwaluwün ka fillke pekan küdumuwün eluñmakenolu Ngünechen ñi ley (Génesis 39:9; 2 Samuel 11:26, 27; Salmo 51:4). Feymew eluñmakey ñi wüdawal ti kurewen kiñe kulpale pekan kudumuwün mew, Jewba am rume üdekefilu tüfachi dungu. (Tati 9 chillkatun, parrafo 7 kimeltuy chem am tati fillke pekan kudumuwün eluñmakenolu Ngünechen ñi ley.) Jewba elukefi tati kulpanolu ñi dullial tañi amuleal ti kurewen kam ñi wüdawal (Matew 19:9). Feymu tati kulpanolu dullile ñi wüdawal ñi afkadi mu, fey femlayafuy Jewba ñi üdekeel. Welu iney no rume ti trawünche mu mülelay ñi dikümtukuafiel tañi wüdayal. Fey kiñeke dungu mew tati kulpanolu dulliafuy ñi mülekayal tañi afkadi engu, doyelchi may ngüneduamnieel ñi wiñorakiduamtuel rüf piwke mew. Biblia ñi duam mew tati elungelu ñi dullial tañi wüdawal kam ñi femnoal, tüfa müley ñi dullial tañi chumal ka chem dungu rume küpale tañi dulliel mu (Galata 6:5).

Welu müley kakelu kuñiwün-ngechi dungu, fey kiñe che poyekefilu ta Jewba püntüwafuya kam wüdawafuy ley dungu mu, tañi afkadi femnolu rume pekan kudumuwün eluñmakenolu Ngünechen ñi ley. Tüfachi dungu rupale, tati Biblia feypiley: “Wiñome kümelkawtunole engu, müley ñi fütangewetunoael” kam kurengewetunoal (1 Korintio 7:11). Feymu tati poyekefilu ta Jewba ngelay ñi kintual kangelu afkadi (Matew 5:32). Fewla inaduamaiñ kiñeke dungu ñi yekeetew kiñeke kurewen tañi püntüwal.

Küpa elunoal tañi pu che ñi duamnieel. Kiñeke füta elukelafingün tañi pu che ñi duamnieel, pepilkeyngün ñi eluafiel, welu ngünewkeyngün ñi femal, feymu rume fillalekey tañi pu che. Welu tati Biblia feypiley: “Iney rume [...] inaduamnole kisu tañi rukañmanieelchi pu reñma, fey ta llumumaniey tañi mupiltun ka doyelküley tati pu feyentulenolu mew” (1 Timotew 5:8). Feymew tati wentru küpa elunofile ñi duamnieel tañi pu che, fey tati domo rakiduamafuy ñi duamfalngen tañi püntüwal ley dungu mew kidu ñi kümelkaleal ka tañi pu pichikeche. Kafey kiñe wentru poyekefilu ta Jewba dalluntukungele ñi elukenofiel tañi pu che ñi duamnieel, tati pu longkolelu ti trawünche mew inaduamayngün chem ñi rupameken, tati wentru wemünentungeafuy ti trawünche mu.

Awükafile tañi pu che. Kiñeke rume pofo illkun-ngey, feymu kuñiwün-ngechi dungu mu rupaleafuy tañi afkadi, latripayafuy kütu. Tati awükachekelu koneltulele Jewba tañi trokiñche mu, feymu tati pu longkolelu inaduamayngün chem ñi rupan, tati müchay müten lladkükelu am, ka tati pofolkakelu wemünentungeafuy ti trawünche mu (Galata 5:19-21).

Kuñiwün dungu rupale tañi weniyefiel ta Chaw Ngünechen. Kiñeke rume weda künuwkey ñi katrütuafiel tañi afkadi ñi poyeafiel ta Jewba, dikümtukukefingün kütu ñi famentual Biblia tañi ngülam kiñeke dungu mew. Fey tati poyekefilu ta Jewba, rakiduamafuy ñi püntüwal ley dungu mew tañi “doy müngeltuafiel ta Ngünechen ta che mew” (Hecho 5:29).

Kom tüfachi dungu mu taiñ inaduampeel, iney no rume ngelay ñi yafültukuafiel tati kulpanolu ñi püntüwal tañi afkadi mu kam ñi trür mülekayal. Tati pu longkolelu ka kiñeke peñi kam lamngen küme weniyefilu ta Jewba eluafuyngün yafüluwün ka kümeke ngülam Biblia mew küpalu, welu tüfa engün müley ñi longkontukunieal Jewba müten ñi kimnieel chem ñi rüf rupameken tati kurewen. Feymu tati poyekefilu ta Jewba amultukufile tañi weda rupameken, femngechi ñi kümelu trokingeal tañi püntüwün, fey pengelay ñi yamnienofiel tati kurewen dungu ka Chaw Ngünechen no rume. “Itrokom dungu fente küme peniengey ta [Jewba] mew, fey kisu mew am felelu taiñ nentudungupuael” (Ebrew 4:13). Feymu Jewba kimniey kiñe che ñi ngünenkameken, küme pepikawkülele rume ñi ngünenkan. Welu rume kuñiwün-ngechi dungu mu rupale, ka pengewenole chem ñi kelluaetew, fey tati poyekefilu ta Jewba dullile püntüwal tañi afkadi mu, iney no rume ngelay ñi dunguyeaetew. Af mew am “kake kiñeke kisuke ta iñchiñ feley taiñ nentudunguael Ngünechen mew” (Romanu 14:10-12).

a Tüfa mew tati püntüwün pengeli tati füta ka ñi domo ñi trür mülewekenon engu tati ruka mew, welu petu kurewen-ngeyngu ley dungu mew.

    Fillque chillca mapudungun mu (1993-2025)
    Tripayaimi
    Conaimi
    • mapudungun
    • Huercülelngeal
    • Chumcünuafimi ti pagina
    • Copyright © 2025 Watch Tower Bible and Tract Society of Pennsylvania
    • Términos y Condiciones de Uso
    • Política de privacidad
    • Configuraciones de privacidad
    • JW.ORG
    • Conaimi
    Huercülelngeal