QUIMELTUN 45
¿Chumngechi pengelafuiñ taiñ quelluntucuquefiel Ngünechen tañi Gobierno müten?
Jesús feipifi tañi pu inaniequeteu: “Mapu mülechi pu che reque femngelaimün” (Juan 15:19). Feimu hueichaquelaingün ca coneltuquelaingün politica dungu meu. Huelu yenieal femngechi mongen cüdaungeafui ca quiñeque mu ayentungeafuiñ. Fei, ¿chem quelluafeiñmu taiñ nor piuqueyeafiel ta Jehová ca connoal politica dungu meu?
1. Iñchiñ taiñ cristianongen, ¿chem raquiduamqueiñ pu gobierno meu?
Taiñ cristianongen mu yamniequefiyiñ tati pu gobierno. Feimu Jesús feipi: “Elufimün ti Lonco Ülmen quisu ñi coneltuel”. Feimu iñchiñ eluucüleiñ taiñ inanieal tati fillque ley ñi elcünuel pu gobierno, tüfa mu coneltulei cullial impuesto (Marcos 12:17). Biblia quimeltuquei com tati pu autoridad Jehová ñi duam mu mülei (Romanos 13:1). Feimu quimnieiñ pu autoridad ñi doicülenon ta Ngünechen meu. Iñchiñ fente maneluucüleiñ Chau Ngünechen tañi Gobierno cüme elcünutuafi com huesaque dungu Mapu meu.
2. ¿Chumngechi pengelqueiñ taiñ coneltuquenon politico dungu meu?
Jesús reque iñchiñ conquelaiñ politica dungu meu. Tati pu che pefilu quiñe afmatun dungu ñi femün ta Jesús, ayüfuingün ñi reycünuafiel, huelu Jesús catrütueyu engün, ¿chumngelua cai? (Juan 6:15). Quisu feipi: “Iñche ñi ngünenietuafiel mapu trürlayai mapu müleyechi gobierno reque” (Juan 18:36). Fillque dungu femqueiñ taiñ reyüconnoal politica dungu meu, femngechi inayentuquefiyiñ ta Jesús, feimu conquelaiñ hueichan cam aucan meu (papeltuaimi Miqueas 4:3). Cafei iñchiñ püramyequelafiyiñ fillque chemcün elcünulu pu autoridad ñi püramyengeal, tati bandera reque, huelu yamniequefiyiñ müten (1 Juan 5:21). Ca femngechi inaquelaiñ quiñe troquiñ politico no rume ca quelluntucuquelafiyiñ quiñe che no rume ñi loncocünungeal. Femliyiñ com tüfachi dungu, pengelaiñ taiñ doyümniefiel Ngünechen tañi Gobierno.
DOI QUIMAIMI
Quiñeque dungu meu cüdautuafuiñ taiñ reyüconnoal politica dungu meu, fei ngüneduamaiñ chem chumafuiñ taiñ ayühulafiel ta Jehová taiñ femquen meu.
3. Pu rüfngechi cristiano reyüconquelai politica cam hueichan meu
Jesús ca tañi pu inaniequeteu reyüconlaingün politica dungu meu. Papeltuaiñ Romanos 13:1, 5-7 ca 1 Pedro 2:13, 14. Fei, peaiñ ti VIDEO ca ngüneduamaiñ tüfachi epu ramtun.
¿Chumngelu mülei taiñ yamnieafiel ti autoridad elcünungelu?
¿Chem dungu meu pengelafuiñ taiñ yamniequefiel pu autoridad?
Quiñeque mu epu pais quehuatumequelu, caquelu pais feipiqueingün: “Iñchiñ chumconlaiñ feichi hueichan meu”, huelu fillque dungu femqueingün ñi quelluafiel tañi hueichamequen meu engu, fei ¿rüfngepei mai tañi reyüconquenon engün? Papeltuaiñ Juan 17:16. Fei, peaiñ ti VIDEO ca ngüneduamaiñ tüfachi ramtun.
¿Chumqueingün pu che rüf reyüconquenolu politica cam hueichan meu?
Quiñeque mu pu gobierno feipieliyiñmu taiñ femal quiñe dungu ñi ayüquenoel ta Chau Ngünechen, ¿chem chumafuiñ? Papeltuaiñ Hechos 5:28, 29. Fei, peaiñ ti VIDEO ca ngüneduamaiñ tüfachi epu ramtun.
Ñi feipin pu gobierno hueluule Ngünechen tañi feipin meu, ¿chuchi am inayafiyiñ?
¿Chem dungu meu tati pu cristiano inalayafui tati pu autoridad ñi feipin? ¿Chem raquiduamqueimi?
4. Cuñiutucuafiyiñ taiñ raquiduam ca taiñ femquen
Papeltuaiñ 1 Juan 5:21. Fei, peaiñ ti VIDEO ca ngüneduamaiñ tüfachi epu ramtun.
Taiñ peñi, ¿chumngelu eluulai ñi conal fillque dungu mu nüucülelu politica dungu meu?
¿Cüme dullipei mai? ¿Chem pimi cai?
¿Ca chem dungu meu cüdautuafuiñ taiñ reyüconnoal politica dungu meu? Peaiñ ti VIDEO, ca ngüneduamaiñ tüfachi cüla ramtun.
Pefiliyiñ fütraque torneo cheu ñi aucantuquen fillque troquiñ mapu, ¿chumngechi pengelafuiñ taiñ doyümniefiel Chau Dios ñi Gobierno müten?
Ñi dulliel pu politico cümelcaeliyiñmu cam huesalcaeliyiñmu, ¿chumngechi pengelafuiñ taiñ reyüconquenon politica dungu meu?
Inanieliyiñ fillque noticia nütramcalu politica meu cam trahuluuliyiñ feichi pu che mu ayüquelu ñi nütramcayal politica mu, ¿chumngechi huesalcayafeiñmu?
Quiñe cristiano, ¿chem dungu mu pengelquei tañi chumconnon tüfachi Mapu müleyechi dungu meu?
QUIÑEQUE CHE RAMTUAFEIMU: “¿Chumngelu chaliquelafimi ti bandera ca ülcantuquelaimi ti himno nacional?”.
¿Chem piafuimi?
TAMI QUIMEL
Iñchiñ pu cristiano taiñ feipin, raquiduam ca femquen meu pengelqueiñ taiñ reyüconquenon politica dungu meu.
¿Chem piafuimi?
¿Tunte puuquei taiñ yamniefiel pu gobierno?
¿Chumngelu reyüconquelaiñ politica dungu meu?
¿Chem dungu meu cüdautuafuiñ taiñ doyümnieafiel Chau Ngünechen tañi Gobierno müten?
CA PEAFUIMI
¿Chem dungu mülei taiñ femal taiñ connoal politica dungu meu?
Pu familia, ¿chumngechi pepicahuafui ñi doyümnieafiel ta Jehová chem dungu rupale rume?
Chew rume müleliyiñ, kelluntukuaiñ Chaw Dios ñi Gobierno mew (4:25)
Fentren che feipiquei: ‘Incañpeafiel tami pais doi yamün-ngei caquelu dungu meu’, huelu ¿rüfngepei mai tüfa?
Taiñ cüdau meu, ¿chumngechi pengelafuiñ taiñ inayentuquenofiel Mapu mülechi pu che?
“Caque quiñeque che fempe quisu tañi dungu” (Ti Huerquen 15 marzo, 2006)
a Chemu.