QUIMELTUN 39
Jehová, ¿chem raquiduamcülepei mai tati mollfüñ meu?
Ti mollfüñ rume falin-ngei. Nienoliyiñ, pepi mongelelayafuiñ. Jehová ta deumaeiñmu, feimu feipiafeiñmu chumngechi püneafiel ti mollfüñ. Fei Jehová, ¿chem feipiqueiñmu ti mollfüñ meu? ¿Cümepei mai taiñ tuculelngeal mollfüñ cam iyafiel? Ca ¿chem quelluaiñmu taiñ cüme püneafiel ti mollfüñ?
1. Jehová, ¿chumngechi troquiquefi ti mollfüñ?
Fütra cuifi meu Jehová feipifi tañi pu che: “Itrofill mongelelu am tañi mollfüñ mu mülei ñi mongen” (Levítico 17:14). Felei llemai, taiñ Huenu Chau quiñe falin regalo reque elueiñmu ti mongen, fei Jehová tañi adquiñ meu tati mollfüñ adentulei tati mongen. Feimu tati mollfüñ rume fali ca.
2. Chau Ngünechen, ¿catrütuquepei mai ñi pünengeal ti mollfüñ?
Fütra cuifi meu, Jehová feipifi tañi pu poyequeteu ñi inoafiel mollfüñ (papeltuaimi Génesis 9:4 ca Levítico 17:10). Fei rupalu chi antü, Jehová ca huiño feipitufi ti cristiano trahunche. Feimu ti cuerpo gobernante feipi: “Famentuafimün [...] tati mollfüñ” (papeltuaimi Hechos 15:28, 29).
Biblia feipilu ‘famentuafimün tati mollfüñ’, ¿chem quimeltueiñmu? Raquiduamnge tüfa: ti doctor feipielmu tami pulcutuhuenoal, fei ¿iyafuimi iyael nielu pulcu cam tami mollfüñ meu tucuafuimi pulcu? Femlayafuimi llemai. Ca femngechi ngelai taiñ iyafiel mollfüñ, putunoafiel ca inoafiel feichi ilo nentumollfüñcülenolu. Ca ilayaiñ iyael tuculelngelu mollfüñ.
Quiñeque mu lahuentungen mu ti pu che tuculelngequei mollfüñ cam quiñeque troquiñ ñi nieel ti mollfüñ, tüfa ta globulos rojos, globulos blancos, plaquetas ca plasma. Femngechi lahuentun dungu yamniequelai Chau Ngünechen ñi feipin mollfüñ meu. Huelu quiñeque meu nehue quimfalcülelai ñi cümen ti lahuentun Jehová tañi adquiñ meu. Quiñeque meu tati globulos rojos, globulos blancos, plaquetas ca plasma mu nentungequei doi pichique troquiñ ñi lahuentungeal, cam lahuentumequen mu ti che pünengeafui quisu ñi mollfüñ. Fei quisuque pu che mülei ñi ngüneduamal tüfa, fei tañi dullial chumngechi lahuentuñmangeal (Gálatas 6:5).a
DOI QUIMAIMI
Feula ngüneduamaiñ chem dungu mülei taiñ quimtucunieal lahuentungeliyiñ.
3. Tami dullin meu ayühulfinge ta Jehová
Petu tami dullinon mollfüñ dungu meu, ¿chumafuimi tami ayühulafiel ta Jehová? Peaiñ ti VIDEO, ca ngüneduamaiñ quiñeque ngülam:
Ngillatufinge ta Jehová tami eluaeteu quimün (Santiago 1:5).
Ngüneduamnge Biblia tañi ngülam ca chumngechi inayafuimi (Proverbios 13:16).
Quimtucunge chumngechi lahuentuafuimi tami lof meu.
Cüme raquiduamnge chem lahuentun dungu lloulayaimi.
Eluunge tami tüngcüleal tami raquiduam tami dulliel meu (Hechos 24:16).b
Mülenole quiñe huercün Biblia meu ca duamfalngele tami dullial, loncontucunge: inei no rume feipilayafeimu chem tami chumal, tami afcadi, pu loncolelu cam ti che tami quimeltueteu Biblia ca femlayafuingün (Romanos 14:12).
Huirintucunge tami dulliel.
4. Jehová tañi pu che ayüqueingün ñi cüme lahuentuñmual
Eluucülenoliyiñ rume taiñ lahuentuñmangeal mollfüñ meu, quintuqueiñ taiñ cüme lahuentuñmangeal. Peaiñ ti VIDEO.
Papeltuaiñ Tito 3:2, ca ngüneduamaiñ tüfachi ramtun:
¿Chumngelu (chemu) mülei taiñ nütramcayafiel yamün meu tati pu doctor?
Tüfa famentuafiyiñ |
Quisuque cristiano dulliafui |
|---|---|
A. Plasma. |
Pichique troquiñ entungequelu tati plasma meu |
B. Globulos blancos. |
Pichique troquiñ entungequelu tati globulos blancos meu |
C. Plaquetas. |
Pichique troquiñ entungequelu tati plaquetas meu |
D. Globulos rojos. |
Pichique troquiñ entungequelu tati globulos rojos meu |
5. Doi pichique troquiñ mollfüñ meu, ¿pünengepeafui mai?
Tati mollfüñ meli troquiñ niei, tüfa ta globulos rojos, globulos blancos, plaquetas ca ti plasma. Cafei tüfachi meli troquiñ mu nentungequei doi pichique troquiñ pünengequelu fillque lahuentun meu.c
Quisuque cristiano dulliafui chumngechi pünengeafui tati doi pichique troquiñ mollfüñ meu tañi lahuentun dungu meu. Quisuque cristiano mülei ñi ngüneduamal Biblia, femngechi quisuque engün tañi raquiduam meu cümelu cam cümenolu troquiafuingün lahuentuñmangeal doi pichique troquiñ mollfüñ meu.
Petu tami dullinon, ramtuunge:
¿Chumngechi quimelelafuimi tami doctor tami llouquen cam tami llouquenon tati doi pichique troquiñ mollfüñ meu?
QUIÑEQUE CHE RAMTUAFEIMU: “¿Chumngelu cümelai taiñ tuculelngeal mollfüñ?”.
¿Chem raquiduamafuimi?
TAMI QUIMEL
Jehová ayüquei taiñ yamnieafiel ti mollfüñ.
¿Chem piafuimi?
¿Chumngelu Jehová fente falintuniequefi tati mollfüñ?
Jehová ayüquei taiñ famentuafiel tati mollfüñ, fei ¿chumngelu feipiafuiñ ñi ca ayüquen taiñ tuculelngenoal mollfüñ?
Petu tami dullinon lahuentun dungu meu, ¿chem quelluafeimu tami cüme dullial mollfüñ dungu meu?
CA PEAFUIMI
Mülei quiñeque lahuentun dungu pünengequelu tami mollfüñ, fei petu tami dullinon tami femngechi lahuentuñmangeal, ¿chem dungu ngüneduamafuimi?
“Pu papeltuquelu ñi ramtuqueel” (Ti Huerquen 15 octubre, 2000)
Mülei quiñeque lahuentun dungu pünengequelu tati doi pichique troquiñ mollfüñ meu, fei petu tami dullinon tami femngechi lahuentuñmangeal, ¿chem dungu ngüneduamafuimi?
“Pu papeltuquelu ñi ramtuqueel” (Ti Huerquen 15 junio, 2004)
Quiñe doctor quimürpui ñi fente cümen Jehová ñi raquiduamqueel mollfüñ meu. ¿Chem quellueyu ñi femngechi raquiduamal?
“Cümelu troquirpufiñ Chau Dios ñi raquiduamqueel mollfüñ meu” (¡Tami quimafel! 8 diciembre, 2003)
Ngüneduamnge chumqueingün pu loncolelu quelluquefilu pu cutrancülelu pital meu.
a Pefinge ti quimeltun 35 feipingelu “¿Chumafuiñ taiñ cüme dullial?”.
b Pefinge ti troquiñ 5 “Doi pichique troquiñ mollfüñ meu, ¿pünengepeafui mai?” ca Doi quimafiel ti dungu 3 “Lahuentun dungu mu pünengequelu ti mollfüñ”.
c Quiñeque doctor feipiqueingün tati globulos blancos, globulos rojos, plaquetas ca tati plasma ñi trürngen tati doi pichique troquiñ meu. Fei femngechi rupalmi, duamfalngeafui tami quimelelafiel pu doctor chumngelu eluucülelaimi tami tuculelngeal tati hunenque meli troquiñ ñi nieel tati mollfüñ.