Müleyechi Ramtun

◼ Pu amuldungukelu, ¿müley ñi püneafiel ti internet tañi amuldungual kam nieal ti chillkatun Biblia pu kimngenochi che mu mülelu ka trokiñ mapu mew?

Kiñeke amuldungukelu pünekefingün ti internet tañi kimeltulelafiel Biblia tati pu che müleyelu ti trokiñ mapu mew chew taiñ küdaw katrütuñmaniengey, kam chew müley pichiken amuldungukelu. Kiñeke mu küme tripakey tüfa. Welu kuñiwün-ngey kiñe amuldungukelu ñi koneltumeken nütramkan mu kimuwnochi che engu internet mew. (Pefinge Nuestro Ministerio julio küyen 2007 mu, pag. 3.) Kom ayükeiñ taiñ kimelelafiel Ngünechen ñi küme dungu ta fentren nor piwkengechi che, welu ñi koneltumeken tüfachi nütramkan mu, yeafeyew taiñ pu peñi ka lamngen ñi kiñewküleal ti weda kompañ ka ti pu püntünentuwkelu Jewba mu (1 Kor. 1:19-25; Kol. 2:8). Ka ti trokiñ mapu mu pu amuldungukelu katrütuñmangekelu ñi küdaw engün, ti nütramkamekeelchi dungu fey ellka ngüneduamnieñmangeafuy pu ngünenielu chi wentru, fey tüfa kuñiwngechi dungu mu konafuyngün taiñ pu peñi ka taiñ pu lamngen. Feymu lle pu amuldungukelu ngelay ñi kintuafiel pu che internet mu ka trokiñ mapu mülelu ñi kimeltuafiel Ngünechen ñi kümeke dungu.

Amuldunguliyiñ chuchi püle rume, fey kimfiliyiñ katripan che re witran-ngepalu, amutule wüla ‘mütrümafiñ’ feypikinolnge, welu femafuymi tati ngünenieelchi ruka feypile ka dungu ñi femngeal. Welu may pürüm pengelelfinge chumngechi doy kimafuy jw.org mu, kam kintuafuy chew ñi mütrümal tati ngünenieelchi ruka ñi trokiñ mapu mew. Mangelkünuafuymi tañi amual kiñe Trawünwe Ruka doy püllelelu ñi ruka mu. Feley llemay, kiñeke trokiñ mapu mu ngelay Trawünwe Ruka. Feymu, ayüle ñi pemeaetew pu Dungukelu Iney Ngen Jewba ñi mülen mu, wirintukuafuymi ti papel Persona que mostró interés (S-43), ka elufinge ti longkolelu ñi ngüneduamkeel fillke werküelchi dungu, fey tüfa amulafi jw.org mu. Tati ngünenieelchi ruka adkünumekeel chi küdaw ti trokiñ mapu mu chew ñi mülen ti che, kimtukuniey chem ñi rupameken üyew, fey doy küme kellungeafuy ti che ñi doy kimafiel Ngünechen. (Pefinge Nuestro Ministerio junio küyen 2014 mu, pag. 7; ka Nuestro Ministerio noviembre küyen 2011 mu, pag. 2.)

Kiñe che chillkatumekelu ti Biblia amutule ka trokiñ mapu mu, ka chillkatumekeliyiñ kiñe che mülelu ka trokiñ mapu taiñ kimniefiel internet mu müten, müleiñ taiñ longkontukual taiñ feypingeelchi dungu fewla. Welu amuleafuy taiñ chillkatumekefiel ti che engu petu ñi pemenoetew ka peñi. Welu kiñe che mülele feychi trokiñ mapu chew katrütuñmaniengeiñ taiñ küdaw, fey müley taiñ rume kuñiwtukuleal, nütramkalu Biblia ñi dungu mu wirielchi karta mu, telefono kam internet mew (Mat. 10:16).