¿Rüf nieimi ta feyentun?

Taiñ ayühuelafiel ta Jehová, mülei taiñ feyentual. Huelu ti Biblia feipi com pu che nielai ta feyentun (2 Tes. 3:2). Pablo feipilu tüfa, ¿inei mu raquiduamfui? Tañi pu caiñetueteuchi che, tüfa ta ‘huesaque huentru huesa piuquengelu’. Ca mülefui caquelu che feyentunolu. Por ejemplo, quiñeque che feyentuquelai rume ñi mülen ta quiñe Dios deumafilu com ti mülelu (Rom. 1:20). Quiñeque che feipiquei tañi feyentufiel mu ta Dios. Huelu fei müten ayüquelai ta Jehová.

Taiñ ayühuelafiel ta Chau Jehová, mülei taiñ maneluhual ñi mülen ta Chau Dios ca ñi fürenequefiel tati rüf feyentuquelu quisu meu (Heb. 11:6). Taiñ nieal ta feyentun, duamnieiñ Jehová taiñ eluaeteu tañi nehuen, feimu llellipuafiyiñ taiñ eluaeteu (Luc. 11:9, 10, 13). Taiñ llohual Jehová tañi nehuen ca mülei taiñ papeltuafiel ta Biblia, Jehová tañi nehuen mu huirintucungei. Raquiduamaiñ taiñ papeltuel mu ca cüme inayafiyiñ. Femngechi Jehová tañi nehuen quelluaiñmu taiñ doi nieal ta feyentun, femngechi ayühuelafiyiñ ta Jehová.