Quintuaimi cheu tami cüme papeltual

¿Ayüafuimi tami doi cüme papeltual Biblia? ¿Chem quelluafeimu tañi doi conal tami lonco mu tami papeltuel? Peafiyiñ quiñeque dungu.

• Quintuaimi cheu tami doi tüngcüleal tami papeltual. Cümeafui tami estudiayal cümelcalechi catrüntucu mu ca lifcülelu. Ca mülepe ta pelon tami cüme papeltuafiel. Anücünuhuafuimi cheu tañi mülen quiñe mesa cam huecun chi papeltuafuimi.

• Papeltuaimi cheu tami quisuleal. Jesús pulihuentu quintuquefui cheu tañi quisuleal ñi llellipual (Mar. 1:35). Tami ruca mu ngenole cheu tami quisuleal, feipiafimi tami pu familia ca caquelu mülelu ruca mu: “Feula papeltuan Biblia, duamnien tañi tüngcüleal”.

• Eluulayaimi chem rume tami hueluraquiduamelaeteu. Eimi papeltulmi tami tablet mu cam telefono, ñücüfcünuafimi. Petu papeltulmi acordarumelmi tami femal quiñe dungu, huiricünuafimi tami femafiel rupan papeltulmi. Papeltumequelmi conpale fillque dungu tami lonco mu, huitrapürayaimi, pichi trecatrecatuaimi ca notrümnotrümtuaimi.