15 Jumampi+ warmimpirojja+ enemigo tukuyapjjäma, juman wawamampi*+ jupan wawapampirojja*+ enemigo tukuyarakëjja. Warmin wawapajja+ pʼeqetwa jumarojj takjjatätam,*+ jumasti kayu talonatwa juparojj achjarakïta”+ sasa.

14 Lot chachajj Abranat jaljtjjäna ukhajja, Jehová Diosajj akham sasaw Abranar säna: “Mirä amp suma, kawkjantï jumajj saytʼatäkta uka cheqatjja alay toqeru, aynach toqeru,* inti jalsu toqeru, inti jalanta toqer uñtam. 15 Jumajj uñjkta taqe uka oraqjja jumampiru wawanakamampiruw nayajj churäjja. Uka oraqejj walja tiempotakiw jumanakankani.+

15 Ukatjja Jehová Diosajj akham sasaw Abranar mä visionan säna: “Abrán, jan ajjsaramti.+ Nayaw jarkʼaqaskäma.*+ Kuna bendiciontï nayajj jumar churkäma ukajj wali jachʼäniwa”+ sasa.

7 Ukatjja sarakïnwa: “Nayaw Jehová Diosätjja, nayarakiw caldeonakan Ur markapat aka oraq jumar churañatak+ irpsunsma” sasa.

17 Abranajj 99 maranëjjäna ukhajja, Jehová Diosaw jupar uñstäna, ukatsti sarakïnwa: “Nayaw Taqe Chʼamani Diosamätjja. Nayan nayraqatajansti jumajj cheqapar sarnaqam, nayat jan jitheqtirïtamsa uñachtʼayarakim.*

8 Extranjerjam jakkayäta uka oraqjja, jumampiru wawanakamampiruw churäjja,+ mä arunjja taqpach Canaán oraqwa churapjjäma, uka oraqsti walja tiempotakiw katupjjäta. Nayasti jupanakan Diosaparakïyäwa”+ sasa.

12 Diosajj Abrahanar sarakïnwa: “Kuntï esclavamatsa wawapatsa Sarajj sisktam ukatjja jan colerasimti. Juparojj istʼam,* wawanakama satäpkani ukanakajj Isaac taypiw jutapjjani.+

13 Jehová Diosasti uka grada patjjankarakïnwa, jupajj akham sasaw Jacobur sarakïna:

“Nayaw Abrahán nayra awkiman Jehová Diosapätjja, Isaacan Diosaparakïtwa.+ Kawkïr oraqentï jumajj iktʼatäskta uka oraqjja, jumampiru wawanakamampiruw nayajj churäjja.+ 14 Wawanakamajja oraqen utjki uka laqʼa polvor uñtasitaw waljar tukupjjani.+ Ukatsti inti jalsu toqeru, inti jalanta toqeru, alay toqeru, aynach toqeruw* wawanakamajj saratatapjjarakini. Oraqenkir taqe familianakas juma taypi ukhamarak wawanakam taypiw bendisitäpjjani.*+

4 Ukatjja Jehová Diosajj akham sasaw jupar säna: “Abrahán, Isaac, Jacob chachanakarojja ‘wawanakamaruw churäjja’+ sasaw uka oraqet juramentomp nayajj arsuyäta. Uka oraqjja pachpa nayramampiw uñjayjjsmajja, ukampis janiw uka oraqerojj paskatkätati”+ sasa.

7 Jupanakajj Abrahanat jutirïpkchisa, janiw taqenejj Abrahanan wawanakapäpkiti.+ Qellqatanjja siwa: “Wawanakama satäpkani ukanakajj Isaac taypiw jutapjjani”+ sasa.

16 Abrahanampir wawapampiruw Diosajj promesanak arsüna.+ Ukampis janiw “wawanakamampiruw” sasajj siskänti, waljanitsa parlkaspa ukhamjja, jan ukasti “wawamampiruw” sasakiw säna, maynitaksa parlkaspa ukhama, jupasti Cristowa.+