8 Uka qhepatjja Abranajj Betel markat inti jalsu toqen utjki uka qollunak toqeruw sarjjäna,+ uka cheqanwa carpap saytʼayarakïna. Betel markajja carpat inti jalanta toqenkänwa, Hai markasti+ carpat inti jalsu toqenkarakïnwa. Uka lugaranwa Abranajj Jehová Diosatakejj mä altar luräna,+ ukatsti Diosan Jehová sutipatwa artʼasirakïna.+ 9 Ukatjja carpanak apthapisasti Abranajj Négueb+ toqeruw sarjjäna, sarkasasti mä cheqat yaqha cheqar carpap saytʼayasa apthapisa ukhamaw saräna.

2 Josué chachajja, Bet-Aven marka jakʼankiri, Betel+ markat inti jalsu toqenkiri Hai sat markaruw Jericó markat chachanak khitäna, akham sasa: “Makatapjjam, uka oraqe uñaqanipjjam” sasa. Ukatwa chachanakajj Hai+ markar makatasin uka marka uñaqapjjäna.