9 Jupaw Jehová Dios contra saytʼiri ukhamarak animalanak jiwayir* wali chʼaman jaqer tukjjäna. Ukatwa jaqenakajj jaqe masipar akham sañ yatipjje: “Jupajj Jehová Dios contra saytʼiri ukhamarak jaqenakaru animalanakar jiwayir wali chʼamani Nemrod chachjamawa” sasa. 10 Nemrod chachajja Babel,+ Erec,+ Akkad, Calné uka markanakaruw nayraqat apnaqäna. Uka markanakasti Sinar+ oraqenkiwa.